१ यूहन्ना 1:10 - केवट नया कारार

¹⁰ यदि अपनासब कहैछियै कि अपनासब पाप नैकैलियै छे ते अपनासब परमेश्वरके झुट्ठा बनाबैछियै आर यी देखाबैछै कि अपनासब एखनतक ओकर वचनके स्वीकारे नैकैलियै छे।

१ यूहन्ना 1:10 Iomraidhean Croise

यूहन्ना 3:33

मगर जे ओकर गवाही विश्वास कैल्कै छे, ऊ यी बातके साबित क्यादेल्कै छे कि परमेश्वर सच्चा छै।

कलस्सी 3:16

ख्रीष्टके वचनके बारेमे हरदम विचार कर, ताकी ऊ तोरसिके काम आर सोचमे नियन्त्रण करौ। पुरा बुद्धिमानीसे एक दोसरके सिखा आर चेतावनी दहैं आर आपन-आपन मनमे धन्यवादके साथ परमेश्वरके लिए भजन, स्तुति आर आत्मिक गीत गा।

१ यूहन्ना 1:8

यदि अपनासब कहैछियै कि अपनासिमे कोनो पाप नैछै ते अपनासब अपने आपके धोखा दैछियै आर अपनासिके उटा सच्चा बात मालुम नैछै जे परमेश्वर प्रकट कैल्कै छे।

१ यूहन्ना 2:14

तुहेंसब जे हमर बाबुके जुगुर छह, हमेसब तोरासिके इहे ल्याके लिखैछिहौं, कि जे शुरुहैसे छै ओकरा तुहेंसब चिन्हैछह। हे जवानसब, हमे तोरासिके इहे ल्याके लिखैछियौ, कि तुहेंसब विश्वासमे मजगुत छैं, आर परमेश्वरके वचन तोरासिमे रहैछौ आर तुहेंसब शैतानके जित्ले छैं।

१ यूहन्ना 2:4

यदि कोय आदमी कहैछै कि हमे परमेश्वरके चिन्हैछियै मगर ऊ आदमी परमेश्वरके आज्ञापालन नैकरैछै ते, ऊ आदमी झुट्ठा छै आर ऊ आदमी परमेश्वरके आज्ञाके मुताबिक नैजियैछै।

१ यूहन्ना 4:4

तुहेंसब जे हमर प्यारा बच्चासिके जुगुर छैं, तुहेंसब परमेश्वरके आदमीसब छैं, आर झुट्ठा परमेश्वरके वक्तासिपर विजय पाबि लेल्हैं छे। कहिनेकी पवित्र आत्माके शक्ति जे तोरासिमे छौ, उटा शक्ति शैतानके शक्तिसे महान छै, जे यी संसारमे परमेश्वरमे विश्वास नैकरेवाला आदमीसिपर शासन करैछै।

१ यूहन्ना 5:10

जे कोय परमेश्वरके बेटा येशूमे विश्वास करैछै, ओकर हृदयमे यी बातके गवाही हैछै। आर परमेश्वरमे विश्वास नैकरेवाला आदमी परमेश्वरके झुट्ठा बनाबैछै। कहिनेकी परमेश्वर आपन बेटाके विषयमे देल गवाहीके ऊ विश्वास नैकरैछै।

२ यूहन्ना 1:2

अपनासिमे भेल सच्चाईके कारणसे हमेसब तोरासिके प्रेम करैछियै आर ऊ सच्चाई सभे दिन आपनसिके संगे रहतै।