Lɛnʋgbʋnya 10:9 - Kouya

⁹ We zlɩ zlɩa, da wa mɩa -slɔ 'yloogblʋ, 'ɩn wa mɩ -Zopee -yɔ cɩpada, -bha Piɛlɩ -gblaa -budu 'wlu . Midiii gbɛgbɛɩn, ɔ -gblaa -mɔ, 'ɩn ɔ 'ka -Lagɔ bhubhoe.

Lɛnʋgbʋnya 10:9 Iomraidhean Croise

Matie 20:5

'Ɩn wa yia mnɩ. «Ɔɔ kpaapanyɔ 'tlaa 'ylʋ -gbagbʋ, we -yɔ jibheza ylʋ nya, 'ɩn ɔ yi 'yaa we -bhlokpadɛ lɛnʋ.

Matie 24:17

Nyɩmɛ -ɔ -ka nyapɛda -mɩ 'pipee, ɔ 'na mnɩnɩ ɔ -lu 'wʋbhua -budu zɔ -nɩ.

Matie 27:45

'Ylʋ 'ka -glɔnyɩdɩ nynia yi, nikpise kpaa dʋdʋ weee -gʋ, we li 'lɛlɩ ta.

Matie 6:6

Nɩɩ, -mɩ, -ɩn -ka -Lagɔ bhubhoea yi, -ɩn pla -na -budu zɔ, -ɩn kla we, 'ɩn -ɩn bhubhoe -na Dide da wa'a 'yɩa -mɩ -yɔ. -Ɩn -ka 'sa nʋ, -na Dide -ɔ yɩa -mɩ -yɔ zizeda, mɔ yia -na -tnʋʋ wlaa.

Malɩkɩ 1:35

Zlɩgʋ -papa, 'ɩn -Zezu yia 'wʋsɔ, 'ɩn ɔ yia -flii mnɩ. -Mɔ ɔ bhubhoea -Lagɔ.

Malɩkɩ 6:46

Wa 'bhʋbhlʋa -yɔ, 'ɩn ɔ yia -gɔgɔ 'wlu mnɩ, ɔ 'ka -Lagɔ bhubhoe.

Lɛnʋgbʋnya 10:3

'Ylɩ yabhlo nya, jibheza, lɛlɩɩ tanʋ nya, -Lagɔɔ 'anzɩ yabhlo yia ɔ 'klʋtlalɩ ɔ 'yli 'wʋ. Kɔlʋnɛɩ yia we -yɔyɩ vaa. 'Ɩn -mʋʋ yia ɔ -gbɛ pla. 'Ɩn we nɛɛ ɔ -ylaɛ: «Kɔlʋnɛɩ!»

Lɛnʋgbʋnya 6:4

'Ɩn -amɩa 'ka -Lagɔ bhubhoe -yɔ -Lagɔwɛlɩ -sloluda -tʋ.»

Efɛzɩ -nyɩma 6:18

A -zlalɩ we 'dɛ weee -Lagɔ, ɔ bhubhoe nya. Bhla weee nya, a bhubhoe -Lagɔ ɔ Zuzu nya. Amɩaa dlɩ -tʋ -gada 'kɔmʋʋ. A bhubhoe -Lagɔ, -Lagɔnyɩma weee 'gbʋ.

1 Timotee 2:8

We 'dɛɛ 'gbʋ ɩn 'yɩbha nʋkpasia bhubhoe -Lagɔ da weee. Wa -ka -Lagɔ bhubhoeda -mɩ, wa 'bhu wa -mɔwlʋ sɔ 'wʋ -Lagɔ 'yu, wa 'na 'palɩ 'cɛ -nɩ, gbʋ 'na -mɩ -nɩ wa dlɩ zɔ -nɩ.