Make 9:2 - Anatunya Buku Baepole Ole Testamene Pii Lapo dee Nuu Tesamene

² Dokopa yuu pakinyamange epo papeyamopa Yesumi Pitamoo Jemesamoo Jonemoo epena lapala yuu kyau londe mendena nakama yeelyo lanyuo peya. Peyaminyi dokopa nakamana lenge kambu siyamo dorena karapala Yesu baa wamba yongo karenge doko kaepala yongo wakale maralyiya.

Make 9:2 Iomraidhean Croise

1 Kiŋi 18:33

Dopa pipala enakana kana pyare lasi dokona isa ketae reteya. Retapala mena doko pyao kunjo kuki kuki pipala isa dokona ketae lambuo lae pyuo reteya. Retapala baame lao, Ipwa pee kuki kisima kamuo simbwapala kulimbuo mena dokona piso dee isa dokona piso pinya, leya. Leyamuli pyuo piyami.

1 Kiŋi 18:42

Dopa leyamo dokopa Ayape baa nenge nala peyamopa Ilainja baa yuu kyau Kamele lenge dokona ketae pulyuo peya. Papala wapambu karapala banya ayemba ponga nao mona kando peteya.

Ekesetase 24:13

Mosesepa banya nyisingi Josuapa rapa rapa pyuo oteyambinyipa Mosese baa yuu kyau poo pyasi dokona kanda soo pulyuo peya.

Aisaya 33:17

Dopako pyuo kiŋi mendeme banya iso karenge yuu kata luna dusipana suu laro karo nanesa keyange ingyuo ando nyimbara dusipana iso kararamo kandarami.

Aisaya 53:2

Kamongome suu piyamili pyuo isa wai mende yuu ketange pyasi mee dokona lee rao andengenyili pyuo banya kendemande akali doko poro lena leya. Wambumi epe kandaraminyi panda lakanda minya minya pingipi baa keta pali nana lao kareyamopa mendeme baa lengeme auwa kandarami ingya naya.

Matyu 14:13

Yesu baame sepala yuu doko yaki nyepala botena piso nyokonyuo yuu iki singindena peya. Peyamopape wambu malu kareyami dupwame baa dopa piyamo sepala anda malu repe repe pyuo karenge dupwa yaki nyepala baa peyamo dokona mee kata peyami.

Make 14:33

Lapala Pitamoo Jemesa Jonemoo lanyo peya. Papala baa monarename pulunongo piyamo rando kareya.

Make 16:12

Dopa pyuo piyamopape wambu dokona lama neta anda dokona lano peyambinyi dokopa Yesu baa yanenge wakale maro lao epo nolakaya.

Make 5:37

Lapala Pita Jemesa Jonepa anelapo yangongepa dolapo pipya yapalyapala, Monale akali menge dupwa epa kaena, leya.

Luku 6:12

Yuu gii dusipana yuu kyau pyalya pyana piyamo dokona ateŋa lala peya. Papala kukwa Anatu kando ateŋa lao piso yuu doko yango nyiya.

Jone 1:14

Pii doko baa isa wambunya yongo nyepala namwa pipya role pyao kareya. Kinyinya rengepe mona keyange palyuo ipingi rengepe baa keta palyuo simbuyamopa ama yanga paupau lao kareyamo kandeyama. Baa Ikinyingi mendaki dokona Rakangeme yanga paupau lao karenge renge doko baa keta pyamalyiyamo kareya.

Orome 12:2

Mee wambu dupwame rae mairami kata dokona pasarami daa. Anatumi nakamana mona andarena alowa pyuo suu pingi doko kapu kyakana. Kapu kyakaramo dokopa Anatumi emba apa pipili lao suu pilyamo lao sere. Dokopa keyange doko anjuku lao soo nyuo Anatu apa pirusa rae maira lao dokona soo nyuo yulu anjuku yapasi lao dusipana soo kararami ingilyamo.

2 Korina 13:1

Dake yuu repo pyuo namba kandala eparo ingilyamo. Buku Baepole pii dokona lao dokopa. Akali mendeme mendali kando randa maiyuo lara ramo dokopa wusinisi akali lamape remapeme baa nyiso larami ramo dokopa baa kapa kote lara letamo.

Pilipai 3:21

Anatumi namwana isa wambunya yongo kwaelyamo dupwa kaepala banya yongo yanga paupau lenge dokona makande minyuo alowa pyuo jera. Banya porainya renge isa bange peparae nyuo isa palyingi dokome kapa pira.

Orepalaisane 20:11

Enakana kiŋinya petenge isa reeko kakepamendena mendali peteyamo kandeyo. Banya lenge kambu dokona yake yuupa dolapo mee ingyuo rali piyambinyipa dee kanda narami ingiya.