Make 4:3 - Anatunya Buku Baepole Ole Testamene Pii Lapo dee Nuu Tesamene

³ Selapape. Akali mendeme banya ee waingi randa lala peyapya.

Make 4:3 Iomraidhean Croise

Samu 34:11

Wanyane wambu nambana puu minyingi dupwa epo namba apa letepe lao sela ipupwa. Dokopa apa pyuo Kamongo ketae pyambuo kararami lao mana langiru.

Poropepe 7:24

Wane dupwa nambana pii sokondali pipala doko mende lee kande lao soo karalapape.

Poropepe 8:32

Epapu akali parange dupwa nambana pii selapape. Sepala nambame letonoli pyuo pirami ramo doko nakama rae mairami.

Ekelesiyastisi 11:6

Embena ee doko yangama alemanjipi laparaena wara piri. Dokona ee peparae elya pyuo andara panda mende yangama wara pirinyi doko kwaeyara dee alemanji wara pirinyi doko kapa andara lao see nange.

Aisaya 46:12

Mona kana pokapala nakama simbi simbi pingi wambu dupwa nambana mata kyakao nyerono renge doko nanesale silyamo lao suu pyao karaminyi dupwame kale yukupala selapape.

Aisaya 46:3

Isaraele rara dokona rembe nanao palaminyi Jekopena para pyasi dupwa nambana pii dake selapa. Nakama romba anda paleyaminyipape dee manjinyi peyaminyipape nambame rapu pyuo karo andanyi pyambuyu kande dokome letoŋo.

Matyu 13:24

Yesumi yake pandana isingi yulu dokona lao kongwalu pii mende nakama sinya lao dopa lamaiya. Akali mendeme banya yuu dokona waingi keyange randa leya.

Matyu 13:26

Dokona waingi angi dupwa andapala jingi lyiyami dokopa rano dupwa opetae kene piya.

Make 4:14

Wara pingi akali baa waingi pyao pyale pyale lao randa leya doko suu pyao Anatunya pii mokwa singi.

Make 4:2

Dokopa baame nakama mana lamaiyuo kongwalu pii malu lao peteya. Baame nakama mana lamaiyuo dopa lao peteya.

Make 4:23

Nakama kale kata singi ramo dokome selapape, leya.

Make 4:4

Baame ee waingi pyao pyale pyale lao randa leyamo dokopa waingi lapo kata nemba nemba dokona peya. Dokona peyasa yaka dupwa epapala napeyami.

Make 4:9

Dopa lapala, Nakama kale kata singi ramo dokome pii dake selapape, leya.

APOSELENA YULU 2:14

Dopa leyaminyipape Pitamoo aposele akali akalisa ipisu mendaki kareyami dupwamoo sipureyaminyipa Pita baa pii ketae palyuo wambu dupwa boo pyao lamaiya. Yangonemoo nakama Juu akali dupwape dee Jerusaleme palenge peparaepe namba pii larono dupwa kale yukupala selapa leya.

Dutaronome 4:1

Moseseme wambu dupwa lamaiyuo, Nambame mawa pii mana langilyu dupwa peparae warombo serami ramo doko nakama lete karo Kamongo doko nakamana rora ambasu dupwana Anatu dokome yuu doko jipyamo dokona palyuo kararami.

Jemesa 2:5

Yangonemoo selapape. Anatumi isa yuunya pendewa dupwa yapo nyepala baa kapa ingingi lao suu pingi yulu doko nakama keta andanyi pyambwakamira. Banya isingi panda doko mona jerami dupwana ingyara lao kaeya dokona nyerami ingilyamo nakamana ingyara.

Orepalaisane 2:11

Imambu dokome Elyambu Pingi wambu dupwana pii lamailyamo dupwa nakama kale kata singi ramo dokome kale yukupala selapape. Anamasi minyarami dupwa kumungi renge lapo pyuo dokona nakama keta mende pii nara. Ote.

Orepalaisane 2:29

Kale kata singi ramo dokome Imambumi Elyambu Pingi dupwana pii lamailyamo dupwa kale yukupala selapape. Ote.

Orepalaisane 2:7

Imambu dokome Elyambu Pingi wambu dupwana pii lamailyamo dupwa nakama kale kata singi ramo dokome selapa. Anamasi minyarami dupwa letena renge palenge isa doko Anatunya ee sukusa karamo dokona nao karena laro letamo. Ote.