Maeka 1:2 - Anatunya Buku Baepole Ole Testamene Pii Lapo dee Nuu Tesamene

² Wambu peparae nakama pii dake selapape. Isa yuu panda karaminyi dupwa peparaeme pii dake selapape. Kamongo Mupwa Andake Wakasa dokome nakama koo pimiŋi lao banya yake panda tembole anda dokona karo, lara.

Maeka 1:2 Iomraidhean Croise

1 Kiŋi 22:28

Dokopa Maekayame pii poraiyuo lao, Wambu peparaeme nambana pii selapape. Ayape, emba lete anda kapu kyuo epare ramo dokoyaka Kamongo dokome namba keta pii langya napyalyamo lao kandaro, leya.

Samu 24:1

Yuu muu silyamo dokope bange peparae yuu dokona silyamo dupwape Kamongona ingyuo silyamo. Yuu dokope wambu dokona palaminyi dupwa opetaeko banya ingyuo pelyamo.

Poropepe 8:4

Wambu dupwa nambame nakama poraiyuo piso sokondali pilyu. Nambame isa wambu peparae kando kee leto.

Aisaya 1:2

Kamongome lao, Yake yuupa dolapona nambame pii leto doko apa pyuo leene lao serambi, leya. Wane wanakepe nambame manju andanyi pyambwapu dupwame namba yanda pimwailyaminyi.

Aisaya 50:7

Kamongo Mupwa Andake Wakasa dokome namba nyiso karapyamo dokome nakamame namba kilya kando laminyi dokome nambana monarena pyapyande daa. Dopa pyuo lami dokona namba elya nyii naro doko soo kaepala mee kyawame suu lao pupunu pilyamo.

Jeremaya 6:19

Isa yuu dokona palaminyi dupwa selapa. Nakamame koo pimwali yaka lao suu pyao nambana pii warombo see nao dee nambana mana pii dokona kamba lao piminyi dokona wambu dupwa nambame pyao kokwa soo kumuo nembaro, leya.

Jona 2:7

O Kamongo namba repeta kumalena pipala dokopa emba suu pyao ateŋa lapu dokopa embena tembole anda poo pyasi keyange dokona karo sipi.

Jona 2:8

Enda akalipi isa kanape kingimi wasapala anatu lao lakando karaminyi dupwa emba yaki nyuo kaelyaminyi.

Apakuku 2:20

Kamongo baa banya misi anda poo pyasi dokona karenge. Dokona isa wambu peparaeme banya lenge kambu dokona koo pyuku pyuku paramo karena.

Malakae 2:14

Dee nakamame akipamo mena kiso maimwa dupwa nyii nalyamo lao pisilyaminyi. Doko nakama parange karapala nakamana etene nyiminyi dupwa kando nakamana lalu lao lamaingi pii doko kokwa soo yalaminyi baa silyamo. Enda doko nakama pipya role piya. Piyamo dokopa Anatu kando enda doko nemba narama lalu lao leyaminyi pii doko nakama kokwa soo yalamiko ingilyamo.

Malakae 3:5

Kamongo Porai Wakasa dokome lao, Nambame nakama yapalya yapana pela eparo. Epapala pipu lao karenge wambu dupwape kepo pingi dupwape panga soo kote pii lenge dupwape dee yulu pyakamingi akali dupwame kana lapo waa pyakepo nyakamingipi enda waiyape wane muiyanepe wambu yuu wakale rangepe minyoko pingi dupwape dee namba rape rape laa nao karengepe wambu dupwana peparae namba epapala aopa isa palyuo lakamiru.

Dutaronome 32:1

Isa yuu yakepe dolapo pii lalopono dupwa selapa. Kale yukupala nambana pii sokondali pipwape.

Orepalaisane 2:11

Imambu dokome Elyambu Pingi wambu dupwana pii lamailyamo dupwa nakama kale kata singi ramo dokome kale yukupala selapape. Anamasi minyarami dupwa kumungi renge lapo pyuo dokona nakama keta mende pii nara. Ote.

Orepalaisane 2:17

Kale kata singi ramo dokome Imambumi Elyambu Pingi dokona pii dake lamailyamo doko selapa. Anamasi minyarami dupwa keta nenge myana lengende yalu pyuo silyamo dokona lapo maiyuo dee kana neta kapa yalende kingi alowa pyuo enenge pyasi paliramo mendepe mairu. Kingi pyasi paliramo doko menge dupwa see naraminyipa akali range nyeramo dokome iki soo gisara. Ote.

Orepalaisane 2:29

Kale kata singi ramo dokome Imambumi Elyambu Pingi dupwana pii lamailyamo dupwa kale yukupala selapape. Ote.

Orepalaisane 2:7

Imambu dokome Elyambu Pingi wambu dupwana pii lamailyamo dupwa nakama kale kata singi ramo dokome selapa. Anamasi minyarami dupwa letena renge palenge isa doko Anatunya ee sukusa karamo dokona nao karena laro letamo. Ote.

Orepalaisane 3:13

Kale kata singi ramo dokome Imambumi pii Elyambu Pingi dupwana lamailyamo dupwa kale yukupala selapape. Ote.

Orepalaisane 3:22

Kale kata singi ramo dokome Imambumi Elyambu Pingi dupwana pii lamailyamo dupwa kale yukupala selapape. Ote.

Orepalaisane 3:6

Kale kata singi ramo dokome Imambumi pii Elyambu Pingi dupwana lamailyamo dupwa kale yukupala selapape. Ote.