Luku 1:3 - Anatunya Buku Baepole Ole Testamene Pii Lapo dee Nuu Tesamene

^3-4 Namba yulu dusipa suu pyaokondali pyuo karapala pepa dokona pyao rolaro lao suu piyu. Tiopilasa emba akali andake dokona lao emba suu pyao pepana pyao jeronopa pii langiyami dupwa kinyi ingyuo pelyamo lao soo gisarenepa mende isa pakami nara.

Luku 1:3 Iomraidhean Croise

Samu 40:5

Kamongo Anatu embame namwana renge malu pyakao karenge. Emba yale mende kara nalyamo. Embame rengya keyange nyera dupwa peparae rapa rapa pyakalene. Namba embena yulu peparaena lao lapuli doko yulu malu mee sipyamosa saka naro ingilyamo.

Luku 1:1

Namwa kareyama sukusa dokona Yesumi yulu andake piyamo dupwana lao akali malu mee pepa pyao reteyami.

APOSELENA YULU 1:1

Yako Tiopilasa, Pepa wambo pyao jiyu dokona Yesu baame kanda soo yulu pyuo mana lamaiyuo kareyamo dokona palyuo pyao pao

APOSELENA YULU 11:4

Dokopa Pitame yulu peparae kandeyamo dupwa polo lamaiya.

APOSELENA YULU 15:19

Dokona Juu daa rara wakale dupwa Anatu mona kapu kyuo karaminyi dupwa lekeleke rena lao laa narama, lao suu pilyu.

APOSELENA YULU 15:25

Doko sepala namwa wato lapala dokopa Banapasa Polepa akali mona retelyamano dolapope dee akali lapo nakamba role pyao pena lao rombo palyilyamano dolapope nakama karaminyi dokona parami doko kapa ingyara lamwa.

APOSELENA YULU 15:28

Dokona lao Imambu Poo Pyasimoo namwa pipya mawa pii kapa minyarami dusipa iki nakama keta paliramo doko kapa ingyara lao suu pilyamano.

APOSELENA YULU 18:23

Yuu dokona yuu gii lapo karapala dee yuu doko yaki nyuo pao yuu Galasiapa yuu Pirisiapana nemba nemba dupwana papyuo disaepole dupwa peparae mana lamaiyuo porainyi pyambwapa pyuo papiya.

APOSELENA YULU 23:26

O Pilikisa akali wakasa kyapo mupwa doko namba Kolotiasa Lisiasa dokome emba yako lao pepa pyao jilyu.

APOSELENA YULU 24:3

Yulu keyange dopa pyuo pipinyipa namwa Juu wambu peparae ama raeko mailyamano.

APOSELENA YULU 26:25

Dopa leyamo dokopa Pole dopa leya. O keyange Pesatasa, namba kopyali daa. Namba mona palipyamopa karo pii doko kinyi leto.

1 Korina 16:12

Namwana yangonge Apolosa dokona pii mende langirowale. Nambame yuu malu mee baa porainyi pyambuo Kurisene yango dupwa role pyao paeyo nakama kandala pena lamaiyu. Dopa lamaiyunupape baa rolae dakepa parope mee lao saka nao karamo. Dee kandaramo yuu gii mende sera ramo dokopa epara.

1 Korina 7:40

Dee akali nyii nao waiya pisira ramo doko mona seramo pisira. Namba Pole dokome nambana suu pingi dokona palyuo leto. Doko Anatunya Imambu dokome leto lao suu pilyu.

1 Timoti 4:6

Embame pii dake Kurisene yango dupwa lamairi ramo dokome emba Koraisa Yesunya kendemande keyange ingyuo karare. Yuu gii dokopa Anatunya imambunya nenge nao pirisa pira. Imambunya nenge angi doko nakama Anatunya pii soo nyuo banya yulu poraiyuo minyuo angi pyuope dolapo angi ingilyamo.