Luku 1:1 - Anatunya Buku Baepole Ole Testamene Pii Lapo dee Nuu Tesamene

¹ Namwa kareyama sukusa dokona Yesumi yulu andake piyamo dupwana lao akali malu mee pepa pyao reteyami.

Luku 1:1 Iomraidhean Croise

Make 16:20

Dopa piyamopa nakama wakale wakale dupwana rali pyuo papala yuu muu dupwana boo pyao leyami. Dopa pyuo kareyaminyi dokopa Kamongo role pyapeta pyuo kareya. Nakama wai pii boo pyao lao kareyami pii doko pii kinyinde lalyaminyi lao wambu sinya lapala Kamongome nakama keta yulu andake renge palyuo maiya. Kinyi.

Jone 20:31

Pali napyamopape yulu lapona pyasi palamo dupwame nakama Yesu baa Koraisa Anatunya Ikinyingi lao suu pyaraminyipa banya kingi yaki nyii nalyaminyi dokona lao nakama keta kyakana renge palipyali lapala pepa pyao retelyo.

Orome 14:5

Akali mendena suu pingi dokome yuu gii mende doko mupwa lao suu pyao karenge. Dee mendeme yuu gii dupwa mee dopaleko lao suu pingi. Akali mendaki mendaki lao nakama rangena suu pingi dokona dopa pyuo suu pyao penge.

Orome 4:21

Anatumi lalu lao leyamo dokona pira lyakande lao angi soo otapala kareya.

Kolosi 2:2

Nakama mona palipala mona retenge dokome nyuo mendakyaramo kararami lao yulu andake pilyu. Anatunya singinya renge dokope suu pingi dupwape Koraisa keta wua nanga boro kumuo yalu pili laro karamo. Nakama pyuo karo dokopa renge dupwa soo nyuo mona kumapala kararami.

Kolosi 4:12

Koraisa Yesunya yulu pyakamaingi akali Ipaporasa baa nakamana ralape dokonandeme nakama yako letamo. Baame nakama porayapala suu pingi lama suu pyaa nao Anatu suu pyaramuli pyuo karo eŋa nembo karamili yaka lao yuu peparae Anatu kando loma sokonda koo pyako karamo.

1 Tesalonaika 1:5

Namwa waili pii keyange lao epeyama doko pii yeelyo minyuo epeyamande daa. Porainya renge paletape Imambu Poo Pyasi opetaepe nakamana monarena yulu porai piramopa kapa ingingi lao suu pyarami doko minyuo epeyamasa piya. Nakama kapa serami dokona lao namwa apa pyuo pyuo karaminyi lao kandeyami.

1 Timoti 3:16

Elyambu Pingi doko anda pinginya ingyaro Anatunya Imambunya yulu dokona renge yalu pyuo siyamopa kando nyiyama doko mendeme mupwa daa lao matarena pii larami ingya nalyamo. Wambu wai pyapala akali lenge kambu nyuo paneyamopa, Imambumi baa rolae wakasaŋa lao lao paneyapya. Aŋala dupwame baa kandeyamiko. Rara wakale dupwana baa dokona lao lamaiyuo peyami. Yuu muu dupwana baa kapa ingingi lao suu pyao mona maiyami. Baa lopo epapala yake panda peya.

2 Timoti 4:17

Dopa piyaminyipa Yesumi namba role pyao karapala banya porainya renge jiya. Jiyamo dokona waili pii angi doko lamaiyunupa Juu daa rara wakale dupwa peparae kapa siyami. Mende doko namba mena laenena nenge kata dokona Anatu baame nenge raka lao nyiya.

Ipuru 10:22

Dokona lao suu pingi lamana palya nao Anatu baame namwa kapa nyera doko soo gisapala karo mona anda yapasi dokome koo mende range keta pali nalyamo doko monarena pyapi pyuo soo kaepala ipwa yapasi dokome yongo wate pipala Anatu dokona repe repe pyuo monale.

Ipuru 6:11

Nakama yulu doko kaeya napala waa waa lao pyuo karo keyange nyeramili dupwa nyimili yaka lao suu pilyamano.