Josua 1:1 - Anatunya Buku Baepole Ole Testamene Pii Lapo dee Nuu Tesamene

¹ Kamongona kendemande akali Mosese kumapeyamo dokopa enakana Mosesena nyiso yulu pingi akali Nanena ikinyingi Josua doko kando Kamongome pii lamaiya.

Josua 1:1 Iomraidhean Croise

1 Kiŋi 19:16

Palyapala Nimisinya ikinyingi akali Jiyu baa Isaraele wambunya kiŋi ingyuo rombo palyuo dee Sapatena ikinyingi akali Ilaisa yuu Epolo Meyola range doko opetae poropeta ingyuo embena panda nyeraŋa rombo palyuo pepe.

Niyamaya 8:17

Dokopa wambu yuu nanesa karapusi ingyuo palyuo epeyami dupwame anda kauwa pipala paleyami. Doko yuu gii Josua Nanena ikinyingi kareyamo dokona piso pao anda kauwa dopale pii naoko pao dolomame kanda soo piyami. Dopa pyuo pipala nakama raeme kumuyami.

Ekesetase 24:13

Mosesepa banya nyisingi Josuapa rapa rapa pyuo oteyambinyipa Mosese baa yuu kyau poo pyasi dokona kanda soo pulyuo peya.

Nambase 11:28

Nanena ikinyingi akali Josua lenge wane parange karo pao Mosese nyiso kareyamo dokome Mosese kando pii lamaiyuo lao, Nambana akali mupwa nakamba kaena lape, leya.

Nambase 12:7

Dopa pilyunupape nambame nambana kendemande akali Mosese pii lamaingi doko wakaleko. Nambame Isaraele wambu dupwa peparae baa keta maiyuo rapu pingi mupwa ingyuo nakama rapu pyuo karena leyo.

Luku 16:10

Mendeme yulu kuki dupwa rolae pyuo pira ramo doko baa yulu andake dupwa opetaeko rolae pyuo pyuo kararasa pira. Dee mendeme bange kuki dupwa waa nyuo karara ramo doko baa enakana bange andake lapo waa nyuo nyerasa pira.

APOSELENA YULU 7:45

Anatumi rara menge dupwa pyao ralinyi nembeyamo dokopa namwana rakange dupwa Josua pale pale komau anda doko lanyuo rara menge dupwana yuu dupwa nyiyami. Enakana dokopa Dapitimi komau anda doko nyiya.

Orome 1:1

Namba Pole Yesu Koraisana kendemande ingyuo Anatunya waili pii keyange doko lare lao rombo palyuo nembeyamo dokome pepa dake pyao jilyu.

Dutaronome 31:23

Mange dokopa dee Anatumi akali Nanena ikinyingi Josua baa lamaiyuo, Paka nao mona porayapala karape. Dopa pyuo embame Isaraele wambu yuu nambame mairuŋu lao kana minyuo lalu lao leyo kande dokona lanyuo pareŋe namba embapa role kararo, leya.

Dutaronome 31:3

Nakamana Kamongo Anatu doko baa range wamboko pao yuu dokona wambu palenge dupwa pyao kokwa soo nembaramopa yuu dokona nakama palyuo kararami. Dopa pyuo nakama yuu dokona palirami dokopa Kamongome leyamuli pyuo Josua baa mupwa ingyuo iso karara.

Dutaronome 33:1

Moseseme baa Anatunya pii lamaingi akali dokome yuu gii repeta kumara ingiyamo dokopa Isaraele dupwa elyape keta pisara pii dapwa lamaiya.

Dutaronome 34:12

Moseseme Isaraele wambunya lenge kambu dorena pakanyi pyambuo yamarangunyi sero yulu andake pingi dopale poropeta mendeme kapa pirami ingya nange.

Dutaronome 34:5

Dokopa Kamongona kendemande Mosese baa Moape wambunya yuu dokona Kamongome dopande piraŋa leyamuli pyuo kumuya.

Dutaronome 34:9

Ee lao piso oteyaminyi dokopa akali Nanena ikinyingi Josua mona palenge renge palyuo pyoko pyoko leya. Renge doko Mosese baame banya panda nyera lao rombo palyuo dokopa leyamuli pyuo piya. Isaraele wambu nakamame Mosese keta Anatunya mawa pii epeyamo dupwa Josuame leyamo dokona rape rape lao minyiyami.

Taitesa 1:1

Namba Pole Anatunya kendemande akali ingyuo karo Yesu Koraisana aposele akali dokome pepa pase pyao jilyu. Anatunya rombo palyisi wambunya kapa ingingi lao suu pingi doko andanyi pyambwapala pii angi namwana misi pii lenge doko nolakare lao Anatumi emba kyakale lao mapanyi peelyo pare langiya. Ene busiyamo dokopa Anatu kyambo laa nange dokome nakama lete karalu kararami lao kinyi lalu lao leya.

Jemesa 1:1

Namba Jemesa Anatu Kamongo Yesu Koraisapana kendemande ingyuo karo. Nakama rara akalisa mendaki dee ipisu lama bolombalo lao yuu wakale wakale dupwana peyaminyi dokona lao yako lao pyao jilyu.

Josua 1:2

Baame lamaiyuo lao, Nambana kendemande akali Mosese doko kumapya dokona epapu rapa rapa pipala embape dee Isaraele wambu peparaepe ipwa Jotane doko yalo pao yuu nambame nakama mailyunu dokona sukusa pali pupwape.

Orepalaisane 1:18

Namba lete karenge akali ingyuo karo. Kanda. Namba kumuya kande doko nambame mee lete karo puu paro ingilyamo. Wambu kumaraminyipape Satane panda paraminyipape dolapona kii namba keta palamo.