Joele 3:7 - Anatunya Buku Baepole Ole Testamene Pii Lapo dee Nuu Tesamene

⁷ Epapu nambame yuu ropo pyao maiyaminyi petaminyi dupwa kaepala nakama nyisa nyuo lanyuo eparo. Dokopa nakamame nambana wambu randa maiyakayami dokona nambame dopako pyuo nakama randa jero.

Joele 3:7 Iomraidhean Croise

Aisaya 49:12

Nambana wambu dupwa kaname nanesa piso eparami. Eparaminyi dupwa dulurena pisope neta yalyingi dorena pisope dee yuu taone Asawane yuu Isipi dokona donorena singi dokona pisope eparami.

Jeremaya 23:8

Dopa laa naraminyipape yuu dulurena dee yuu wakale wakale dupwana nambame nakama bolombalo lao nembeyono pao kareyaminyi dupwa nyuo minyuo epeyono Anatu lete karalu karenge doko kando pii porakai mende lalana dokopa nambana kingi lao kinyi leto larami. Dokopa nakama rangena yuu dokona palu kararami.

Jeremaya 31:8

Nambame yuu dulurename piso minyuo epo dee yuu muu peparaena nakama nyuo malu palyaro. Dokopa wambu lenge koope kimbu koope enda wane paletape dee repeta manjalana piraminyipi dupwa doloma pipya role pyapeta eparami. Nakama yuu dokona rara andake ingyuo kamba eparami.

Isikiolo 36:24

Nambame nakama yuu liti wakale wakale kuki andakepe dupwana karaminyi doko nyepala lanyuo epo yuu nakamana range dokona dee lanyuo eparo.

Joele 3:4

Yuu taone Taya Saitonepa dee Pilisitia range dupwa peparae namba kando apa pinya pilyamisi? Renge mende namba keta palipyasa dokona lao nakamame namba isingi yano pyamwali lao pilyamisi? Kinyi nakama renge mendena pirami ramo doko nambame waiya lao isingi yano pyakaro.

Sekaraya 9:13

Nambame Juta wambu dupwa aminya yanda dopale ingyuo nyuo minyuo Isaraele dupwa walekyana mende ingyuo minyuo piru. Sayone akali dupwa yanda pingi wua ingyuo nyuo minyuo Girisi akali dupwa pyaro.

Matyu 7:2

Dokona lao embame wambu dupwa kando yapalya yapana pinyi nembo larenyili pyuoko emba kando yapalya yapana pinyi nembo larami. Dopako pyuo mairinyili pyuo isingi nyere.

2 Tesalonaika 1:6

Anatu baame rolae ingyuo nakama randa jilyaminyi wambu dupwa randa maira.

Jemesa 2:13

Akali mendeme wambu yango sakao nyiso kara nara ramo doko Anatumi baa kote laramo dokona baa kando sakao nyisa nara ingilyamo. Dee akali mendeme yango dupwa sakao nyiso karara ramo dokona kote laramo dokopa baa keta mende pali nara.

Orepalaisane 16:6

Nakambame Anatunya wambupi dee poropetape dupwana ranjama dupwa kulimbwakamiyami. Dokona lao embame nakama ranjama dupwanako nena lao kapa mailinyi.

Orepalaisane 19:2

Pasendiya enda baa yuu muu dupwana papyuo kwuanyi nembeyamo dokona baa kote ama rolae lenge dokome randa andake kapa mailyamo. Enda baa randa mailyamo doko Anatunya kendemande akali dupwa pyao kumakaya dokona yano nyilyamo.

1 Samyuele 15:33

Kareyamo dokopa Samyueleme dopa lamaiyuo, Embena wua gela dokome enda malunya nyaŋa pyao kumapi dokona endangi dupwa wane manji nange ingyuo petaminyi doko suu pyao emba epapu kumare dokopa embena endangi doko wane manji nangeko ingyara. Lapala yuu Gilikale dokona bange kiso maingi kana pyare repeta dokona Akake poko pyao lamalya lomana piya.