Joele 3:2 - Anatunya Buku Baepole Ole Testamene Pii Lapo dee Nuu Tesamene

² Nambame wambu rara peparae nyuo pyasepala yuu pau lama Jiyosapata lenge dokona lanyuo paro. Yuu dokona nambana wambu range dupwa kando randa maiyakayami dokona nakama kando kote laro. Nakama Isaraele wambu dupwa yuu wakale dupwana nyuo nembapala nambana yuu doko lili pyuo wakale wakale nakama nyiyami.

Joele 3:2 Iomraidhean Croise

Isikiolo 34:6

Dopa pyuo nambana sipisipi dupwa yuu kyau kukipi andakepe dupwana ralo pelyaminyi. Dopa pyuo bolombalo lao isa yuu peparaena puminyipa mendeme kando nyelana suu pyao kota nalyaminyi.

Isikiolo 36:1

Kamongome lao makwa isa ingyuo kuku pyaa nare akali doko Isaraelena yuu kyau dupwa kando lamaiyuo, Namba Kamongo Mupwa Andake Wakasa karenge.

Isikiolo 36:5

Nakama yuu liti wakale wambu parali maki palami dupwana lao namba Kamongo Mupwa Andake Wakasa karenge dokome imbu singi kana ingyuo rao alyuo karamo dokona piso nakama pyalana pyuo lamaipu. Yuu Itome range nakama angingyuole kando lapu. Nakamame namwa kilya kandalya kandana pipala rae maiyuo epo mena naraminyi nenge malu singi dupwa epo nyakami.

Joele 3:12

Rara dupwa peparae rapa rapa pipala yuu Jiyosapata pau lama dokona eparami. Yuu dokona namba Kamongo doko pisipala rara peparae awali lao palu pelyaminyi dupwa kote laro.

Joele 3:14

Wambu taosande malu dupwa yuu pau lama kote lara dokona karaminyi. Yuu dokona Kamongona yuu gii doko repeta epara.

Emosa 1:11

Kamongo dokome dopa leya. Yuu Itome range wambu dupwame yulu koo doko kamba pyuo kamba pyuo karenge dokona nambame nakama randa mairu, leya. Nakamame nakamana yangonge Isaraele wambu dupwa mena rae lenge pyalaminyili pyuo roko nyinyi palyuo pyao kareyami. Dopa pyuo piyaminyipa saka renge mende nakama keta pali naya. Nakamana imbu singi doko ipwa ingyuo guu lao kareya. Dokome kame soo kaeyarami ingya naya.

Maeka 4:12

Dopa laminyipape wambu rara dupwame Kamongona lao suu pyapyamo doko see nalyaminyi. Dopa pipyamopape nakama mendakinya nyuo malu palyapala randa maiyuo lisi ingyuo minyuo gisimu gasimu laro lao suu pyapyamo doko see nalyaminyi.

Orepalaisane 11:18

Anatu suu pyaa nange wambu dupwa nenge sisi pyapala lao kareyami. Wambu kumuyami dupwa kando kote lapala embame embena yulu akali poropeta dupwape wambu yapasi dupwape dee wambu koo epengepe embena kingi ketae nembenge dupwape yole keyange mairi ingilyamo. Dee yuu gii dokopana wamba yuu dupwa kokwa siyami dokona embame kokwa sereoko leyami.

Orepalaisane 16:14

Nakama imambu koo ingyapala wambumi pii nange yulu dupwa kemali pyuo pyuo papiyami. Imambu koo rema dupwame yuu muu peparaena papyuo kiŋi akali peparae Anatu Porai dokona yuu gii andake pyaka seramo dokopa yanda pirami dokona suu pyao kyakale lao nyuo sukusa sukusa pyuo epena leyami.

Orepalaisane 16:16

Enakana imambu koo dupwame kiŋi dupwa lanyuo yuu mende Ipuru pii lao kingi Amaketono lenge dokona peyami.

Orepalaisane 16:6

Nakambame Anatunya wambupi dee poropetape dupwana ranjama dupwa kulimbwakamiyami. Dokona lao embame nakama ranjama dupwanako nena lao kapa mailinyi.

Orepalaisane 20:8

Epapala Satane baame yuu Goko Mekokopa dolapona wambu Anatunya kingi epe nasingi yuu muu peparaena pisirami dupwape kando nupi sepala nakama nyuo kiminjapala yanda pinya lao mapinyi retara ingiya. Dokopa dokona akali kareyami dupwa ipwa pota kee kana mendeme yaka lao kanda nara dopale ingyuo kareyami kandeyo.