Jeremaya 9:14 - Anatunya Buku Baepole Ole Testamene Pii Lapo dee Nuu Tesamene

¹⁴ Dopa pirami doko suu pyao mona kana pokapala nakamana rakange dupwame pinya lao mana lamaiyaminyili pyuo nakama rangena suu pingi ipyamo doko yeelyo moko minyuo mee bange anatuŋu lao kingi Bealo lenge dupwa kingi wapambupi lakao lakandelyaminyi.

Jeremaya 9:14 Iomraidhean Croise

Jenesese 6:5

Isa wambu peparae ama yulu koo wakasa pyuo karo suu pingi koo rengeme simbwapyamo karaminyi lao Anatumi kandeya.

Jeremaya 2:23

Apa pyuo namwa range koo pali nangeŋe. Namwa mee bange anatu kingi Bealo doko lakanda nangeŋe laramisi? Nakama yuu anda lama lama dokona apa pyuo koo piyami doko kandalapa. Nakama mena kamele inya pundapala kalyuwa koto ralo papyuo karenge dopale ingilyaminyi.

Jeremaya 2:8

Purisi dupwame Kamongo anja karase? lao piso see nayami. Namba rangena purisi dupwame namba soo nyii nayami. Akali mupwa dupwame nambamoo pipya mona kana pokoyami. Poropeta dupwame mee bange kingimi wasisi Bealo lenge dokona lao poropeta pii leyami dee mee bange angi mende ingya nayamo dupwana kingi lao peyami.

Jeremaya 23:15

Dokona lao namba Kamongo Porai Waksa dokome Jerusaleme poropeta dupwana lao dake leto. Nakamame Anatunya akali ingyuo kara naminyi dokona wambu dupwa mana nyilyaminyi. Dokona nambame isako kau pingi wara piru karamo dupwa nena lao maiyuo mauli dupwa ipwa ingyuo kamuo nena keko pyakamyuo piru.

Jeremaya 23:27

Nakamana rakange dupwame mee bange anatu kingi Bealo doko keta mona maiyuo papala namba kame siyami doko suu pyao nakamana kombeya lamailyamano dokome nambana wambu dupwame namba kame serami katandena pimisa pilyamo.

Jeremaya 7:24

Dopa lamaiyunupape nakama warombo soo kui lao karope pirami ingya nayami. Dopa pingi kandale doko suu pyao nakamana mona koo kana pokonge dupwamepe mende pinya lao lamaiyamo dupwa piyami. Pipala elyape ingyuo kararami doko suu pyao ama kopetame kareyami.

Emosa 2:4

Kamongo dokome dopa leya. Juta wambu dupwame yulu koo doko kamba pyuo pyuo karaminyi dokona nambame angi nakama randa mairu. nakamame nambana mana pii dupwa awa nale lao dee nambana mawa pii dupwa minyaro kara napala kupyuo yaki nyingi. Nakamana rora ambasupi dupwame mee bange lapo anatuŋu lao kingi lao kareyaminyi suu pingi dokonako pyulu pyuoko pelyaminyi.

Galasia 1:14

Namba Kurisene ingyapa nayonopa tembole anda yulu mana nyuo dokopa Juu wane yango andarele dupwa nyuo isa nembowale mana nyuo kareyo. Namwana rora ambasupinya yulu palenge dupwana suu pyale pyale kareyo.

Epesasa 2:3

Namwa opetae dopako pyuo karo yanengena pyuwaneme kumuo karapala namwana suu pingipi yongo dokomepe koo dokona pyao ralinyi pyambuyamopa dolapona rape rape lao pyuo kareyama. Namwape doloma peparaepe mendakinya peyara Anatumi lara ingiya.

1 Pita 1:18

Nakamana kauwanemoome kata angi daaŋa lasaka piyaminyipa papyuo kareyami dokona aki mende nakama kiiramo nyiya lao doko suu pyalapape. Mee isa pandana kana golo kulingipi isa penge dokore daa.