Jeremaya 7:26 - Anatunya Buku Baepole Ole Testamene Pii Lapo dee Nuu Tesamene

²⁶ Nakama kamame mendeme pii wangu lakapala soo pii nayami. Dopa pyuo au pyuo karapenge doko kaepala nakamana rora ambasupi kwaeyaminyi dokope daa. Nakama mona kana pokapala mata joo pelyaminyi.

Jeremaya 7:26 Iomraidhean Croise

Niyamaya 9:29

Embena mana pii doko rape rape lao pinya lapala repe repe lamaiyuo karee. Akali mendeme embena Mawa Pii minyuo karenge doko lete para kata singi. Dopa piyamopape wambu dupwa moŋo kyaŋe siyami dokome embena Mawa Pii dupwa yaki nyakao mata maiyami. Ayemba suu pipala mona kana poko emba letenyili pyuo pii narama daa lao kareyami.

Aisaya 5:4

Nambame piruli mende kaeyapala namba isa pupunusa pilyape? Dopa pyuo isa paa naronde ramo doko akipamo keyange lyera lao kandaro karapunu kata dokona kau pingi aiyange doko yapo lyilyape?

Jeremaya 19:15

Isaraele wambunya Anatu Kamongo Porai Wakasa dokome lao, Nakama mona kana pokapala nambana pii lapunu doko see nalyaminyi dokona nambame yuu taone dakenape dee yuu taone repeta silyamo dupwanape peparae randa andake mairu lao nambame leyonoli pyuo piru letamo, leyo.

Jeremaya 26:5

Dopako pyuo nambana kendemande akali poropeta dupwa nakama keta kaeya nao mapanyi peyapa pyuo kareyo dupwa apa letaminyi lao sokondali pyuo karalapape. Wamba nakamana pii warombo see nayami.

Jeremaya 6:17

Dokopa wambu yanda pela epelyaminyi lao pii repe repe lamaiyuo bikuli pii poo lenge doko letape lao isingi akali lapo soo karena lao Kamongo dokome rombo palyiya. Palyiyamopape nakamame lao, Namwa doko see narama, leyami.

Jeremaya 7:24

Dopa lamaiyunupape nakama warombo soo kui lao karope pirami ingya nayami. Dopa pingi kandale doko suu pyao nakamana mona koo kana pokonge dupwamepe mende pinya lao lamaiyamo dupwa piyami. Pipala elyape ingyuo kararami doko suu pyao ama kopetame kareyami.

Jeremaya 9:13

Kamongome isingi dopa leya, Nambana mawa pii nakama keta pyao retapu dupwa yaki nyuo nambana kambunya pii ipyamo dupwa letamuli pyuo soo minya napala kamba letaminyi. Dee nambame mende pinya lapunu doko pii nalyaminyi.

Daniele 9:6

Embena kendemande akali poropeta dupwame embena kingi dokona lao namwana kiŋi akalipi akali mupwape rora ambasupi dee namwana wambu peparaepe lamaingi dokopa namwa see nalu nayama.

Osia 11:7

Nakama namba mata julu jooko jilyaminyi. Dee nakama keta kenda silyamo dokome ee lao kararaminyipape mendeme nakama kiiramo minyalyuo nyii nara.

Malakae 3:7

Wamba nakamana wambu rora ambasu dupwame nambana lowa dupwana mata maipala minyuo pyuo kara nalyaminyi dopaleko ingyuo nakama pilyaminy. Kamongo Porai Wakasa dokome lao, Nakama dopa pilyaminyi doko kaepala namba karo dokona kapu kyuo ipupwape. Dokopa namba nakama karaminyi dokona kapu kyuo eparo, leya. Nakamame piso soo, Namwame aki mende pipala emba karene dokona kapu kyuo eparamase? letaminyi.

Matyu 21:38

Dopa leyamopape ee kando kareyami akali dusipame ikinyingi doko kandapala nakama range lao, Wane dake rakangena moyange nyera ingilyamo doko epelyamo. Baa pyao kumakamanale, mwua. Rakange kumaramo moyange baa nyerali dupwa namwa nyerama, leyami.

Matyu 23:32

Dokona nakamana rakange kyawa dupwame pyuo kareyami dokonako palyuo makande minyuo pyuokondali pyuo pipwape.

APOSELENA YULU 7:51

Sitipename lao, Dopa lao palipyamopa nakama wambu mata enokwaro piso monarena simbi simbi pyuo kalena palyuo see narama lao Imambu Poo Pyasi dokopa sisi nyuo karaminyi leya. Nakamana rora ambusipi pyuo kareyaminyili pyuo karaminyi.

Orome 2:5

Dopa pipyamopape nakamana mona kana pokwapala soo nyii nalyaminyi dokona Anatu koo dupwa epe nasepala rolo laramo yuu gii dokopa nakamame kamame koo ingyuo randa nyerami kata doko range wapuo karamisa pilyamo.

Dutaronome 8:20

Nakama wambako pao kararaminyuipa Kamongome rara wakale dupwa pyao kokwa soo nembara doko suu pyao nakama Kamongona pii warombo soo kara narami ramo doko baame nakama pyao kokwa soo nembarako.