Jeremaya 7:23 - Anatunya Buku Baepole Ole Testamene Pii Lapo dee Nuu Tesamene

²³ Reta nayonopape nakama nambana wambu ingyuo namba nakamana Anatu ingyuo piruŋu nakamame nambana pii dupwa warombo sinya lao lamaiyu. Dokona lao nakama keta bange peparae au pyuo puu paraŋa lao nambame nakama mawa pii lamaiyunuli pyuo palyuo kararami, lamaiyu.

Jeremaya 7:23 Iomraidhean Croise

Samu 40:6

Emba menana rendamu nyelana rae mai napala namba yanenge wai pyapala kumuo jelase lao rapa rapa pyaane leya. Nakamana koo dupwa kame sakalase lao mena pyao kiso jilyaminyi doko rae maiyuo nyii nalene kandelyo.

Ekesetase 15:26

Baame dopa leya. Namba nakamana Kamongo Anatu doko nakamame kamba laa nalu nao napala nambame rolae lao suu pilyu dokona palyuo pyuo nambana dopa pipenge laro dupwa dopa lalyane lao soo nambana mawa pii dupwa minyarami ramo doko nambame nakamba Isipi wambu anga yakane kiso maiyunuli pyuo nakama jii naro. Namba doko Kamongo nakama pyuo lete nyilyuŋu doko karo.

Ekesetase 16:32

Moseseme lao, Dake Kamongo dokome mawa pii ingyuo reto lao, Nambame yuu Isipi yaki nyuo yuu muiyane dokona lanyuo epo nenge jiyunu doko nakamana para pyao manjiraminyi dupwame kandarami lao nenge myana lapo nyuo retalapape letamo, leya.

Jeremaya 31:33

Kana minyuo lalu lao lenge pii enenge nambame Isaraele wambu pipa larono doko dapale ingyara. Nambana lowa dupwa nakamana mona anda dokona pyao retapala nakamana suu pingi dokona pyao palyakaro. Dopa pipala namba nakamana Anatu angingyuo kararonopa nakama nambana wambu angingyuo parami.

Jeremaya 38:20

Nambame lao, Emba nakamana kingi rakana palya nara. Nambame emba piso sokondali pyuo lao, Kamongo dokona wai pii doko warombo sepe. Dopa pirinyi dokopa bange peparae dupwa emba keta kapa ingyuo paramopa emba range kyawa lete pare.

Orome 16:26

Dopa pyuo karapyamopape pii kinyi angi dupwa poropeta akali dupwame pyao reto kareyami doko dakepa panasi silyamo. Anatu lete karalu karenge dokona pii leyamo dokome pii kinyi angi doko yuu muu peparaena sinya lao pilyamo. Dopa pilyamo dokona nakama peparae mona kapu kyuo laramuli pyuo pirami ingilyamo.

2 Korina 10:5

Wambu lapo Anatunya pii selana suu pyaminyipape suu pingi wakale dupwame nakamana kata doko rokolyaminyi. Doko pyao kokwa silyamano. Namwa suu pingi peparae nyuo malu palyapala Koraisa keta ralinyi pyambulyamano.

Dutaronome 13:4

Kamongo doko mupwa lao suu pyao pako karo baa moko minyuo karalapape. Baa rape rape lao banya mawa pii dupwa warombo soo minyuo karalapape. Banya kingi minyalyuo lao baa yaki nyii nao poraiyuo minyuo karalapape.

Dutaronome 13:5

Nakamana Kamongo dokome kendemande ingyuo yuu Isipi kareyaminyipa kiiramo nyuo minyuo epeya doko kame soo mata maipwase lao pii nolakao lenge mendepe panda kombeya iso polo lenge akali mendemepe leya kande doko pyao kumakalapape. Akali dopale mende koo palenge dokome Kamongome nakama au pyuo palyuo karamili lao suu pilyamo doko yaki nyuo kata wakalena lanyuo pupuli lao pira. Doko nakama range koo dokona nenge rekya lao nyuo dokopa akali doko pyao kumarami.

Dutaronome 30:2

Dopa pyuo paramo karo dokopa nakamape nakamana para pyao nyeraminyi dupwape kamba kapu kyuo Kamongo keta pyamalyuo karo nakamana mona peparaeme nambame banya mawa pii dakepa langilyu dupwa suu pyao manjo kararami ramo dokopa nakamana Kamongo Anatu dokome nakama kando sakame kumuo karara.

Dutaronome 30:20

Nakamana Kamongo Anatu doko mona nyepala baapa rape rape lao yaki nyii nalapape. Dokopa nakamape nakamana wane para pyao manjo paraminyi dupwa pipya yuu nakamana imbwange Aporakame Aisake Jekopemoo mairuŋu lao lalu lao lao kaeyamo dokona yuu gii andarele palyuo kararami ingilyamo.

Dutaronome 30:8

Dokopa nakamame baapa rape rape lao karo mawa pii lapo epapu langilyu dupwana minyuo kararami.

Dutaronome 4:10

Yuu gii mendepa yuu Sainai kyau dokona nakamana Kamongo Anatunya lenge kambu dorena kareyaminyi dokona lao nakamana ikinyingipi wanengepe kauwangepe dupwa lamairami. Yuu gii dokopa Kamongome namba langyuo, Wambu dupwa nyuo malu palyuo karena lape. Yuu peparae karo dokopa nambana pii mana nyuo warombo soo dee nakamana wane wanakepe dupwame namba kando mupwa lao suu pyao pako karena lao mana lamairami lao nambana pii laro doko simili yaka lao suu pilyu, leya.

Dutaronome 4:40

Epapu nambame nakama banya mawa pi jelono dokona rape rape lao kararami ramo nakamape nakamana manjiraminyi dupwape kapa karo parami. Nakamana Kamongo Anatumi yuu nakamana ingyuo sulu sera lao jilyamo dokona nakama mee palyuo puu parami.

Dutaronome 6:3

Nakama Isaraele wambu dupwame mawa pii dupwa selapape. Sepala warombo soo minyuo pyuo karalapape. Dopa piraminyi dokopa Kamongo namwana rora ambasu dupwana Anatu dokome lalu lao leyamuli pyuo nakama elyape keta piso yulu keyange pyuo bange peparae au pyuo soo puu paramopa rara porai ingyuo karo yuu amenge pingi dokona kapa palyuo kararami.

Ipuru 5:9

Baa dopa pyuo mana nyepala angingyuo peyamopa lete karalu karengena renge doko wambu baa warombo siyami dupwa keta maiya.

1 Samyuele 15:22

Kamongo dokome angi anjuku keyange lao suu pilyase? Samyueleme leya. Warombo singi dokope panda bange kiso maingi doko rolaese? Warombo soo pingi doko mupwa. Mee mena sipisipi kiso maingi doko mupwa daa.