Jeremaya 7:18 - Anatunya Buku Baepole Ole Testamene Pii Lapo dee Nuu Tesamene

¹⁸ Doko wane wanake dupwame isa ponale yapo nyuo malu palyilyaminyi. Akali dupwame isare pete wasilyaminyi dokopa enda dupwame mee bange kingimi wasisi enda anatu yake pandana kuini lenge dokona nenge palawa doko ipwa pipya pyaso minyapala nenge kyake wasakamilyaminyi. Dopa pipala nakamame namba randa jelana suu pyao ipwa waene dupwa kamame kulimbuo anatu wakale dupwa mailyaminyiko.

Jeremaya 7:18 Iomraidhean Croise

Samu 16:4

Nakama lapo anatu wakale lakando pelyaminyi dokome nakama range keta randa malu sukusa nyilyaminyi. Nakamana mena pyao kiso maingi dokonape namba opetae pii naro. Nakamana anatu dupwa namba lakanda naroko.

Aisaya 65:3

Nakama elya pali napala namba imbu singi nyakao pyuowako karaminyi. Nakamame semango imambu suu pyapala mena yakape yaonge mare dupwana yao maiyuo karaminyi. Dopa pyuo dokopa loma soo semango yao maingi kana pyare lasi dupwana rendamu pingi dupwa kiso maiyuo karaminyi.

Jeremaya 1:16

Nambana wambu dupwame yulu koo pyuo namba kame sepala yaki nyilyaminyi dokona nambame nakama randa mairu. Nakamame anatu wakale dupwa mena pyao kiso mailyaminyi dee mee bange anatu lao kingimi wasapala lakandelyaminyi.

Jeremaya 19:13

Yuu Jerusaleme dokona anda dupwape Juta kiŋi dupwana andape dee anda lapo dupwanape anda yangi ketaerena rendamu pingi dupwa kiso bui dupwa kingi lao maiyami dupwape dee lapona mena kiso maingi dopale ingyuo ipwa waene dupwa mee bange anatu lenge dupwana kulimbuo palyiyami dupwa peparae yuu Topete koo dokome kwaeyasi silyamo dopale ingyuo para, leya.

Jeremaya 7:17

Yuu Jerusaleme kata dupwanape dee yuu Juta taone dupwanape yulu pilyaminyi doko emba kanda nalese?

1 Korina 10:22

Namwame Kamongo Yesu yango palyapyali lapala pilyamape? Kamongo baa kaepala namwa ama porai lao suu pilyamase?

Dutaronome 32:16

Nakamame isa kanapeme wasisi dupwa kando lakandeyami dokome Kamongopa yango palyinyi pyambuyami. Dee yulu koo piyaminyi dokome Kamongo imbwanyi pyambuyami.

Dutaronome 32:21

Nakamame nakamana isa kanapeme mee bange wasisi anatu dupwame imbu singi nyakayaminyisa mee bange anatu angi daa dupwana yango palyuo karo. Dokona lao wambu rara angingyuo kara nalyaminyi dupwa keta nakama imbu singi nyinyi retaro. Dopako pyuo wambu kopyali minyingi dupwa keta nakama pipya yango palyinyi pyambwaro.

Dutaronome 4:19

Nakamame yake dokona netape kanape buipi dupwa kandapala dokopa walu lao lakando dusipana lao minyuo yulu pii nalapape. Nakamana Kamongo Anatumi wambu wakale keta bange dusipa lakandena lao maiya.