Jeremaya 6:29 - Anatunya Buku Baepole Ole Testamene Pii Lapo dee Nuu Tesamene

²⁹ Kana golope anepe kisingi panda doko rao isasa pyuo alyuo karenge. Dopa pilyamopape kana golo koo dupwa rao lili lao nyisa epo paa nange. Doko nambana wambu koo pingi dupwa nyisa nyuo paa nange dokome nakama elyape inginya lao rolo waso pii narama ingilyamo.

Jeremaya 6:29 Iomraidhean Croise

Aisaya 49:4

Nambame lao, Nambame yulu pipunupape mendena ketae ingyuo pwamoŋo, leyo. Nambame yongo kisinyi nembo nambana porai renge dokome yulu pipunupape angi mende pyuo kapa pali nalyo. Dopa pipunupape nambame Kamongo keta kamame pyuo pyamalyuo pilyu dokona baame yulu pilyunu dupwana yano jera.

Jeremaya 15:19

Dokona dee Kamongo dokome isingi lao, Emba kapu kyuo epare ramo doko nambame emba nyepala dee kamba emba nambana kendemande akali ingyare. Ingyapala pii koo lao papilini doko suu pyao emba wai pii keyange doko larenepa emba dee kamba nambana poropeta akali ingyare. Wambu dupwa kapu kyuo emba karare dokona eparaminyipa emba dee nakama kararami dokona pare ingya nara.

Osia 11:7

Nakama namba mata julu jooko jilyaminyi. Dee nakama keta kenda silyamo dokome ee lao kararaminyipape mendeme nakama kiiramo minyalyuo nyii nara.

1 Pita 1:7

Randa epelyamo dupwame nakama Kurisene angingyuo karamipi lao makande pilyamo. Kana golo poraipi mee lao kandalana isareme kiso kandenge kandale doko suu pyao makande pingi wakale eparamopa nakama porayapala Anatu kapa ingingi lao suu pyao manjo kararami ramo suu pingi keyange doko golo doko mee kuki inginyi pyambwara. Dopa pyuo kararami ramo Yesu Koraisa pano eparamo mange dokopa nakama neta renge ingyuo kingi londapala ketae pyambusi kararami.

1 Pita 4:12

Nambana puu minyingimoo. Randa wakale wakale nakama keta epelyamo dupwa nakama apiyakale lao mee makande pyuo ipyamosa pilyamo dokona mona nembo yamarangwa nalapape.