Jeremaya 6:26 - Anatunya Buku Baepole Ole Testamene Pii Lapo dee Nuu Tesamene

²⁶ Dokopa Kamongome lao, Nambana wambu dupwa kumanda piso wapungi komau doko wapuo pee pyapala kumanda pisipwape. Mendalimi nakama pyao kokwa sela epelyamo doko aopa minyarara dokona nakamana ikinyingi mendaki doko kumulyamopa ee lao kaumi kumuo petengenyili pyuo pisirami.

Jeremaya 6:26 Iomraidhean Croise

Jenesese 21:16

Dopa pyuo enda range lao, Wane kumalena pilyamo doko kumaramo kando narowale, leya. Sakao peteyamopa wane doko pii poraiyuo lapala ee leya.

Jopo 2:8

Dokopa Jopo bange nenge pinjingi nembenge mare dokona pao pisipala pere kambasi mende nyepala yanenge yuu pyuo peteya.

Aisaya 30:13

Nakama kopetame pilyaminyi. Nakama kana kame andake lano poro laro karenge dopale ingyapala nakama aopa kulimbuo kalimbuo minyuo isa parami ingilyamo.

Aisaya 32:11

Wamba nakama randa epa napyamo awa awa pyuo koo soo piso karo pimi kandapi dupwa dakepa pakame kumuo walu walu lao karo nakamana komau rokwanyi nembapala mee asingi dupwame kanya romba dupwana bole bale lapala karalapape.

Jeremaya 14:17

Kamongo dokome nambana mona rando karapunu dokona wambu dupwa lamairi doko pii dapwa lamaipi, langiya. Nambana wambu dupwa wua kakupi piso kopeta kapeta pyami dokona kukwa korakamape ee dupwa palyamo kata pali naramopa lao kararo ingilyamo.

Jeremaya 15:8

Nakama rangena yuu dokona enda waiya dupwa ipwa kota kee kana dupwa manda manja nao kamame wakasa petaminyi. Nambame nakamana wane parange andengena dupwa pyao kumakapala endangi dupwa mona rumbingi petena lao piyu kande. Aopa nambame nakama keta yuu mendaki paka rengepe mona randange rengepe paleta epo piyu.

Jeremaya 18:22

Wambu yanda kambu dupwame repe repe lamai nao nakamana anda epapala andambupi nenale leto. Dopa pyuo andakare pisaraminyi dupwa pakame kumapala aa lao ipwa kaku nyinyale. Rakaya palena lao kyuwa kyasili lao namba randa jinya kone makalyaminyi.

Jeremaya 9:10

Yuu kyaupi dee rambi mena nenge nengepe yando nao kyapuo oteyamo dokona mona randapala ee lao kumaralerale nyuo pisiru. Mendali dokona kata papirami ingya nalyamo. Mena bulamakaope mendepe pii laramo see narami ingilyamo. Yakape mena rae lengepe dupwa ralo puu pao peyami, namba Jeremayame leyo.

Emosa 8:10

Nambame nakamana kanape ee kanape minyuo nenge yaowa nao mali lyuo pingi dupwa alowa pyuo wambu malu pyuo kumanda piso pingi yuu gii dokore ingyuo retakaro. Dopa pyuo rae maiyuo kenane pingi kenane dupwa alowa pyuo mona rando ee lenge yuu gii inginyi pyambwakaro. Enda akalipa wane mendaki iki doko nembarala piso ee palelyamo lengenyili pyuo larami. Dopa pyuo endangipa rakangepa kyawasi rokapala kumanda piso wapungi bange dupwa nyuo yanenge yambe pyao wapuo petengenyili pyuo pirami. Yuu gii dusipa kwao nyiki nyiki piramoko karo paraminyipa lumwa pira.

Jona 3:6

Dokopa yuu Ninepa kiŋi dokome pii doko sepala banya kiŋinya petenge isa doko yaki nyuo roya karapala banya komau ketae pingi doko kolo nyiya. Nyepala nakama koo pipala kondome kumuo komau wapungi doko wapupala isare pete dokona papala baa pee piya.

Luku 7:12

Anda malu palyuo karenge dokona anda dupwa nyuo sukusa pyambuo kana kame piyami dokona kambu repeta epeyamo dokopa akali mende kumuyasa soo neta epeyami. Akali dokona endangi baa iki mandeyamopa akalingi kumuyasa baa enda waiya peteya. Epeyami dokopa anda malu palyuo karenge dokona palenge wambu malu mee dupwa enda doko role pyao epeyami.

Jemesa 4:9

Nakama kwaeyo karaminyi dokona mona kendapala ee andake lao karalapape. Dakepa giyuo karaminyi dupwa alowa pipala ee lao karalapape. Nakama rae maiyuo giyuo karaminyi dokona alowa pipala mona kendo karalapape.

Jemesa 5:1

Epapu kamongo dupwa kando pii mende laro doko selapa. Nakama moŋo andake nyepala kwao parami dokona ee lao ipwakuku nyelapape.