Jeremaya 6:21 - Anatunya Buku Baepole Ole Testamene Pii Lapo dee Nuu Tesamene

²¹ Dokona lao namba Kamongo dokome wambu dupwa lukumakapala pao palena lao piru. Pirunu dokopa ikinyingi rakangepe dupwa kumarami dee parali maki palengepe puu minyingipi dupwa opetae kumaramiko.

Jeremaya 6:21 Iomraidhean Croise

Aisaya 8:14

Namba poo pyasi ingyuo puu penge dokona lao kana wambu dupwa pyalya minyapala lukumarami dopale ingyuo saa kone dopale ingyuo karo dokona Juta wambupi Isaraele wambupi Jerusaleme wambupi dupwa minyaro ingilyamo.

Aisaya 8:15

Wambu soo kaeyo lukumapala pao palirami ingyara. Nakama isa papala rambetaku pyao waa keta palirami ingilyamo.

Jeremaya 18:21

Dopa pyuo karakamyuo kande doko kaepala dakepa nambapa koo pilyaminyi dokona Kamongo embame nakamana wane wanakepe dupwa lopanyi nembapala kumanyi nembape. Yanda dupwana angi nyuo suu lape. Enda dupwana ikinyingi akalingipi kumanyi nembakamipi. Wanyane akali dupwa yandana nyuo papala kumaraminyipa andapae dupwa anga yakane kapape kisapala kumunyale.

Jeremaya 18:23

Dopako pyuo nakamame namba pyao kumaselana suu pyao karaminyi doko Kamongo emba silini kande. Nakamana koo pilyaminyi doko kame sakami napipi. Koo dupwa nakama keta sinya kaeyape. Embame imbu singi nyepala dokona nakama isa palyuoko karena lao kandaro karape, leya Jeremayame.

Isikiolo 3:20

Akali rolae pyuo karara mendeme nambame kyawa yaki nyuo makande pyuo kandaronopa koo keta paliramo dokopa embame repe repe lamai nare ramo banya koo dokona lao kumara. Banya yulu keyange wamba pyuo kareyamo dupwa mende yaka lakami naro. Dopa pyuo koo keta palira dokona lao banya kumasi ranjama doko emba keta palena laro.

Orome 11:9

Dokona lao Dapitimi dopa pyuo leya. Nakama nenge nenge yuu gii dokona kone makarami dokona mangena minyinya. Nakama randa nyuo karo isa puu pao penale.

Orome 9:33

Lukumungi kana dokona lukumuyami doko Anatuya pii poo pyasi dokona lao, Kandalapape, nambame yuu Sayone wambu lukumarami lao kana reteyo. Kana dokona pyalyaminyapala pao palirami. Dopa piramopape mendali baa mona mairamo dokome baa elya nyii nara.

1 Pita 2:8

Baepolena pii mendasa lao dokopa, Wambu dupwa kana dokona pyalya minyapala lukumwarami. Lukumapala angi isa parami lyakande. Nakama Anatunya pii doko soo nyii nayamisa baa leyamuli pyuo lukumayami.