Jeremaya 52:6 - Anatunya Buku Baepole Ole Testamene Pii Lapo dee Nuu Tesamene

⁶ Dokopa yuu gii mange mendaki karo kana kisima dokona ee kana mendaki dokonako lopo ama kopetame siyamosa wambu dupwa mende narami ingya naya.

Jeremaya 52:6 Iomraidhean Croise

2 Kiŋi 25:3

Ee kana mendaki dokonako pao kana kisimana yuu gii mange mendaki karo dokopa ama lopo andake kopetame siyamopa wambu dupwa nenge mende pyarepala paramo narami ingya naya.

Jeremaya 15:2

Nakamame emba piso soo, Anja paramase? leyami kande dokopa nambame letono doko nakama lamaipwape. Lapo yanyi nyepala kumuo parami ingilyamo dokona nakama parami. Lapo yandana kumarami ingiyamo dokona lao parami. Lapo lopome kumuo parami ingilyamo dokona lao parami. Dee lapo dupwa karapusi pyuo minyuo parami ingilyamo dokona parami leto.

Jeremaya 19:9

Dokopa wambu yanda pimwai dupwame yuu taone doko nyuo sukusa palyapala wambu pyalena pirami. Pyaraminyi randa doko kamame kopetame wakasa ingyuo paramosa wambu angi yuu taone dokona pisirami dupwame yango mendeme mende pyao nao wane wanake dupwa range pyao nao pirami, leya.

Jeremaya 37:21

Dokona lao kiŋi Setekayame namba kiŋinya yanda singi panda dokona pao karapala kii palyinya leyamo kareyo dokopa nenge borete kiso wasingi anda dokona kunjasi mendaki larapu yuu gii mendakinya lao joo kareyaminyi pao yuu taone dokona nenge borete dupwa oteya.

Jeremaya 38:9

Emba kiŋi andake doko, akali dapwame mende piminyi doko ama kopetame pimi. Doko yuu taone dakena nenge mendepe see napya dokome nakamame akali Jeremaya doko lopome kumapala kumaraŋa lao soo yuwale dokona pyambwami, leya.

Dutaronome 32:24

Nakama lopo yanenge isasape dokome kumarami. Nakama anga yakaneme koo mange naramo kumarami. Nambame mena suwape rae lenge dupwape dee kau wambu nenge dupwape nakama keta ralinyi peyaronopa dupwame wambu dupwa pyao narami.