Jeremaya 52:3 - Anatunya Buku Baepole Ole Testamene Pii Lapo dee Nuu Tesamene

³ Dokona lao yuu Jerusaleme Juta wambupi dupwa pipya Kamongo dokome ama wakasa imbwuapala nakama karapusi ingyuo nyuo minyuo yuu wakale mendena pena lao ralinyi nembeya. Dokopa Setekaya baa yuu Bapilonena kiŋi Nepukatenesa kando isarena karalana suu pyaa napala kamba leya.

Jeremaya 52:3 Iomraidhean Croise

Jenesese 4:14

Epapu namba yuu kulisa doko kala puu lalyane. Namba papala dokopa embena lenge kambu dokona yalu pilya pyana pyuo kararo. Ralo yuu muu dupwana papirunu wambumi kandarami dokopa pyao kumakasarami, leya.

Jenesese 4:16

Pokwakamiyamo dokopa Keneme Anatu yaki nyepala kata nyuo yuu Note ee Etene neta pyakaenge dorena yuku pao kareya.

1 Kiŋi 10:9

Nakamana Kamongo Anatu doko lakandalapa. Baame embapa role pyao karo dokopa rae maiyuŋu lao lasaka pyuo emba Isaraele wambunya kiŋi wasiya. Banya mona retenge doko Isaraele wambunya lao sulu singi dokona baame emba lowa dupwanape dee rolaena renge dupwanape paka pyao soo karareŋe lao kiŋi rombo palyiya.

2 Kiŋi 24:20

Dopa piyamosa Kamongo dokome Jerusaleme wambupi dee Juta wambu dupwape keta ama wakasa imbwuapala banya lenge kambu dokona rekya lao nyisa nembeya.

Jeremaya 15:1

Enakana Kamongo dokome namba langyuo lao, Akali Mosese Samyuelepa dakena karapala namba piso sokondali pyuo lambili doko nambame wambu dapwa sakame kumuo pyuo nyii napuli. Wambu dupwa nyisa pena lape. Wambu dupwa nambana lenge kambu silyamo dokona kara napala neta pena lape.

Jeremaya 7:15

Nambame nakamana ree palu wambu Isaraele rara dupwa nyisa rekya lao nembeyo dokoko suu pyao nambame nakama nambana lenge kambu dokona nyisa ramanyi rekya lao nembaro lao namba Kamongo dokome leto. Kamongome lapya namba lare leya Anatumi.