Jeremaya 38:14 - Anatunya Buku Baepole Ole Testamene Pii Lapo dee Nuu Tesamene

¹⁴ Yuu gii mendepa tembole anda dokona kambu repo ingyuo singi konandowame dokona namba kiŋi Setekaya peteyamo dokona lanyuo peyami. Peyaminyipa baame namba langyuo lao, Nambame emba piso singi pii mende pisaroŋo embame namba kando lapo kalyama napala angi peparae kinyi dokona langipi, leya.

Jeremaya 38:14 Iomraidhean Croise

1 Kiŋi 10:5

Enda baame Solomonena nenge nenge rate dokona nenge mokwa sisi siyamo dupwape banya akali mupwa dupwana palenge yuupi banya anda dokona yulu pingi akali dupwana yulu lao rolo retakamingi dupwape dee dupwana komau kala mendare palenge nakama wapungi dupwape dee nenge nao nyuo malu palyingi dokopa Solomone baa isaro karenge kendemande akali dupwape dee tembole anda dokona mena pyao kiso maingi dupwape kandeya. Kandapala baa nenge longanyi nembo yamaranguya.

1 Kiŋi 22:16

Leyamo dokopa Ayapeme isingi lao, Kamongo dokona kingi lao embame namba pii kinyi dokona iki langi. Yuu akipare nambame emba dopa pii lao langirusi? leya.

Jeremaya 15:11

Kamongo nambame embena yulu pyaka nao kinyi letaminyi dupwa pyaka naronde ramo nakamame namba keta koo mende palena letaminyi pii dupwa angi inginya. Dee nambana yanda pimwai randa nao kareyaminyi dokopa nyisa naronde ramo doko randa dupwa namba keta palena.

Jeremaya 37:17

Dokopa enakana dusa kiŋi Setekaya peteya dokona namba lanyuo peyaminyipa banya anda dokona baame namba yalu pyuo piso soo lao, Wai pii mende Anatu keta piso ipyape? leya. Dokopa nambame isingi lao, Pii lapo langipya, leyo. Lapala kiŋi doko pii konda pyuo lamaiyuo, Nakama Bapilone kiŋi porainya renge palenge doko keta kingi rekya lao mairu lapya, leyo.