Jeremaya 37:3 - Anatunya Buku Baepole Ole Testamene Pii Lapo dee Nuu Tesamene

³ Dokopa kiŋi Setekayame Selemayana ikinyingi Jukale dee Masayana ikinyingi purisi akali Sepanayapa namba peteyo dokona pena leya. Epapala nakambame namba langyuo, Namwana wambu peparae dupwana lao namwana Kamongo Anatu kando ateŋa lakape, langiyambi.

Jeremaya 37:3 Iomraidhean Croise

Ekesetase 10:17

Epapu dakepa nambana kopetame pipunu doko nyuo kame sakana lao randa nao koo keta pali nara lao nakambana Kamongo Anatu doko kando ateŋa lao lamaiyakalapape, leya.

Ekesetase 8:28

Leyamo dokopa Peraome dopa lamaiyuo, Nakama ama nanesa paa narami ramo doko nambame nakama yuu muiyane dokona nakamana Kamongo Anatu mena dupwa pyao kiso maiyala kapa pupwa, laro. Nambana lao ateŋa lakalapape, leya.

Ekesetase 8:8

Piyaminyi dokopa kiŋi Peraome Mosese Eronepa epena lao kee lapala dopa lamaiyuo, Kamongome mungi dupwa nyuo nembakana lao ateŋa lalapape. Dopa pirambinyi dokopa nakamana wambu dupwame mena pyao kiso Kamongo mairami lao nambame nakama pena laro, leya.

Ekesetase 9:28

Kamongo Anatu kando ateŋa lakape. Yuu galape randake kapape doko namwa kapa nyepelyamanoŋo, leya. Namba lalu lao leto. Namba epapu nakamba yaki nyero parami dee ama pisi narami, leya.

Jeremaya 15:11

Kamongo nambame embena yulu pyaka nao kinyi letaminyi dupwa pyaka naronde ramo nakamame namba keta koo mende palena letaminyi pii dupwa angi inginya. Dee nambana yanda pimwai randa nao kareyaminyi dokopa nyisa naronde ramo doko randa dupwa namba keta palena.

Jeremaya 2:27

Nakamame lao, Isa doko namwana rakane dee kana doko namwana endangi letaminyi. Dokona nakama peparae elya nyerami. Dokona nakamame namba mata jepala namba karo dokona kapu kyuo epa naminyidokona dake pipalako kaeyaro. Dopa piminyipape nakama randa nyepala dokopa nambame nakama kyawa lete nyele ipu lao piso singi.

Jeremaya 37:17

Dokopa enakana dusa kiŋi Setekaya peteya dokona namba lanyuo peyaminyipa banya anda dokona baame namba yalu pyuo piso soo lao, Wai pii mende Anatu keta piso ipyape? leya. Dokopa nambame isingi lao, Pii lapo langipya, leyo. Lapala kiŋi doko pii konda pyuo lamaiyuo, Nakama Bapilone kiŋi porainya renge palenge doko keta kingi rekya lao mairu lapya, leyo.

Jeremaya 37:7

Akali Setekaya pii lamaipi lao leya. Yuu Isipi ami yanda singi dupwa nakama nyisalana lao enye katasa epelyaminyi. Dopa pyuo iminyipape anda kapu kyuo parami.

Jeremaya 38:1

Akali Matanena ikinyingi Sepatayamoo Pasana ikinyingi Getalayamoo Selemayana ikinyingi Jukalemoo dee Malekayana ikinyingi Pasamoo dusipame nambame wambu dupwa lamaiyuo Kamongo dokome leyamo pii dupwa lao papilini leyami doko nakama siyami.

Jeremaya 52:24

Doo piyamo dokopako Bapilone yanda singi dupwana mupwa isingi akali Nepusaratane lenge dokome purisi mupwa Seraya lenge dokope dee purisi lapo ingyuo karenge Sepanaya lenge dokope dee akali rema tembole anda dokona mupwa ingyuo karenge dusipa pipya karapusi pyao minyuo peya.

Nambase 21:7

Dokopa Mosese kareyamo dokona wambu dupwa epapala dopa lamaiyuo, Namwa embapa Kamongopa kando kamba lao karamwano doko koo pimwa. Dokona epapu Kamongome kau dapwa nyuo nembakana lao ateŋa lakape. Leyaminyi dokopa Moseseme wambu dupwana lao ateŋa lakamiya.

APOSELENA YULU 8:24

Dopa leyamo dokopa Saimone baame isingi lamaiyuo, Emba leene doko namba keta pali nana lao namba nyiso Kamongo lamaiyuo ateŋa lakape leya.

1 Samyuele 12:19

Nakamame Samyuele kando lao, Samyuele namwa kuma narami lao embena Kamongo Anatu doko kando ateŋa lakape. Doko namwana koo wambo piyama dupwa rambe rambe palyapala namwame kiŋi jinya lao Kamongo piso siyama dokopa koo konda pyuo piyama lao epapu namwa soo nyilyamano, leyami.