Jeremaya 36:9 - Anatunya Buku Baepole Ole Testamene Pii Lapo dee Nuu Tesamene

⁹ Ee kana kingi paki kana mange mendaki karo dokona akali Jiyoakwimi baa Juta wambunya kiŋi ingyuo kareya. Dokopa wambu dupwa Kamongome rae maiyuo karena lao pilyamano lapala nenge wasaka pyuo kareyami. Wambu Jerusaleme palenge dupwape dee wambu dupwa yuu Juta taone dupwana piso epeyami dupwape peparae nenge naa nayamiko.

Jeremaya 36:9 Iomraidhean Croise

Niyamaya 9:1

Kana mendaki dokonako yuu gii akalisa lama ipisu kisima dokopa Isaraele wambu dupwa epo mendakinya pisipala nakamana koo dupwana lao sakame kumuo nenge naa nao peteyami.

Jeremaya 36:1

Ee kana kisima dokopa akali Josayana ikinyingi Jiyoakwimi baa Juta wambunya kiŋi kareyamo dokopa Kamongo dokome namba langyuo lao,

Jeremaya 36:22

Yuu gii doko kupwa pingi dokopa dokona kiŋi baa banya anda kupwa pingi yuu gii dupwana palenge dokona isare repeta petenge panda dokona soo peteya.

Jeremaya 36:6

Dopa pirunupape wambu dupwa nenge dee wasaka pyuo peteyami kande dokopa emba tembole anda dokona papala pepa kao pele pele lasi doko ketae palyuo poraiyuo yaka lape. Lare dokopa Kamongo dokome namba langipyamo pii peparae nambame emba jipunu dupwa serami. Wambu dupwa peparae serami pandandena yulu doko pipi. Dee Juta wambu dupwa nakamana yuu taone dupwana piso iminyi dupwa opetaeko serami.

Joele 1:13

Nakama purisi dupwa Kamongona kana pyare lasi dokona bange kiso maingi dupwa kumanda piso komau pingi dupwa pipala tembole anda dokona papala yuu gii ee lao piso yanganyi retalapape. Nakamana Anatunya anda dokona nenge waenepe mairami mende see nalyamo dokona dopa pyuo pisipwape.

Joele 1:14

Wambu dupwa nenge wasaka pyuo malu palyuo petena lamaiyalapape. Akali mupwa dupwape mee Juta wambu dupwape peparae elyambu pipala nakamana Kamongo Anatu dokona tembole anda dokona kolando papala Anatu kando ee lao lalapape.

Jona 3:5

Dokopa enda akalipi yuu Ninepa range dupwa Anatunya pii Joname lamaiyamo doko soo nyiyami soo nyepala nakama peparae nenge naa narama, leyami. Dokopa wambu koo keyangepe dupwa peparae nakamana koo pingi dupwana lao suu pyao kondome kumuo komau wapungi doko wapupala nakamana koo pingi dupwana kondome kumulyamano lao lasaka piyami.

1 Samyuele 7:6

Dokona nakama peparae yuu Misipa dokona pao malu palyuo peteyami. Pisipala nakamame ipwa dupwa ipwa yuwale pete singi dokona kamuo nyepala Kamongona kingi lao kulimbuo dee yuu gii doko nenge wasaka pyuo piso piyami. Dopa pipala nakamame lao, Namwame Kamongona lenge kambu dokona koo piyama kande leyami. (Doko yuu Misipa dokona Samyueleme Isaraele wambu keta randa paleyamo dupwa kote soo rolakamiya.)