Jeremaya 36:4 - Anatunya Buku Baepole Ole Testamene Pii Lapo dee Nuu Tesamene

⁴ Dokona lao Nerayana ikinyingi Baruku kee lao nyepala Kamongome namba pii langiyamo dupwa peparae lamaiyu. Dokopa pepa yoko kao pele pele lasi dokona Baruku pyao palyiya.

Jeremaya 36:4 Iomraidhean Croise

Aisaya 30:8

Anatumi namba langyuo, Wambu dupwa apa pyuo karaminyi lao pepana pyao reta, leya. Dokona lao wambu dupwa koo pilyaminyi dokona pii doko angingyuo sulu sera, leya.

Aisaya 8:1

Kamongome namba langyuo, Pepa yoko kameyali mende nyepala dokona pyao pingi kameya ingyuo pyapala pyao palyape. Pii dake, Waiya Lao Kokwa Soo Apa Nenge, pyao palyape.

Jeremaya 36:14

Lamaiyamosa akali mupwa dupwame akali Juti (Netanayana ikinyingi, Selamayana kauwange dee kauwange kyawa doko Kusi lenge) dokome pepa kao pele pele lasi wambu yaka lamaiyuo karapyamo doko minyuo epena Baruku lamaiyala pena leyami. Dokopa Baruku buku kao pele pele lasi doko minyuo akali mupwa dupwa peteyami dokona peya.

Jeremaya 36:21

Dokopa kiŋi dokome Juti buku kao pele pele lasi doko nyela pena leya. Leyamosa akali Elesemana panda kuki dokona siyamo nyepala pao kiŋi akali dokope dee akali mupwa awali lao kareyami dupwa pipya yaka lao lamaiya.

Jeremaya 36:23

Dokona akali Jutimi pepa pyasi dokona lane remape kisimape mende yaka lapeyamo dokopa kiŋi dokome kema wua kuki mendeme kunjapala isarena kiso peteyamo pao buku kao pele pele lasi doko rao oteya.

Jeremaya 36:26

See napala baame kiŋinya ikinyingi Jeramelemoo Aserelena ikinyingi Serayamoo role pyapeta dee Apetelena ikinyingi Selemayamoome namba poropeta akali Jeremayapa nambana pepa pyakamingi akali Baruku opetaeko puu maiyuo nyela pena leya, Dopa leyamopape Kamongome nambwa nyuo yalu piya.

Jeremaya 36:27

Baruku pii lamaiyamo pepa kao pele pele lasi dokona dupwa kiŋi Jiyoakwimi kisapeyamo dokopa Kamongo dokome namba langyuo lao,

Jeremaya 36:28

Pepa kao pele pele lasi wakale mende nyepala pepa wambo doko pii palenge dupwa peparae pyao retape lao langiya.

Jeremaya 36:32

Dokopa enakana nambame buku kao pele pele lenge mende wakale nyepala nambana pepa pyakange akali Baruku maiyunusa akali dokome nambame pii lamaiyu dupwa peparae pyao reteya. Buku kao pele pele lasi wambo kiŋi Jiyoakwimi isarena kisiyamo dokona palenge dusipana mende pyarepala para kando lao peparae pyao reteya. Dee nambame pii dopale lapo lamaiyunu dupwa opetae konda pyuo pyao reteyako.

Jeremaya 36:6

Dopa pirunupape wambu dupwa nenge dee wasaka pyuo peteyami kande dokopa emba tembole anda dokona papala pepa kao pele pele lasi doko ketae palyuo poraiyuo yaka lape. Lare dokopa Kamongo dokome namba langipyamo pii peparae nambame emba jipunu dupwa serami. Wambu dupwa peparae serami pandandena yulu doko pipi. Dee Juta wambu dupwa nakamana yuu taone dupwana piso iminyi dupwa opetaeko serami.

Isikiolo 2:9

Leyamo dokopa namba kareyono dorena kingi peyara kande dokopa pepa rongo pisi doko peyamo kandeyo.

Daniele 7:1

Ee kana mupwa dokopa akali Belesasa baa kiŋi ingyuo yuu Bapilone dokona kareya dokopa namba Danieleme kombeya pipala kukwa dokopa pii repa repa pyuo kandeyo. Kandapala kombeya angi doko pepana pyao reteyo. Kukwa dokopa angi dake kandeyo doko dee pyasi palamo.

Orome 16:22

Namba Tetiasa lenge dokome Polena kambunya pii ipyamo doko nyepala pepa pase dake pyakamilyu. Namba dokome Kamongona kingi dokona lao nakama yako leto.