Jeremaya 36:3 - Anatunya Buku Baepole Ole Testamene Pii Lapo dee Nuu Tesamene

³ Mende dee Juta wambu dupwa keta randa peparae nambame mairu lao lao reteyo doko sepala nakama koo pyuo kata koona pelyaminyi dupwa yaki nyuo kaeyaramiko rapisi. Dokopa nakamana yulu kopetame pilyaminyi dupwape dee koo pilyaminyi dupwape nambame nyuo kame sakamiru.

Jeremaya 36:3 Iomraidhean Croise

Niyamaya 1:9

Dokopa nakama namba karo dakena dee kamba kapa kyuo epapala nambana mawa pii doko yaki nyii nao minyakao kararami ramo dokopa nakamana wambu dupwa yuu nanesa puu maiyuo nyuo minyuo paraminyipape nambame nakama yaki nyii napala range nyuo sukusa sukusa pipala yuu mupwa enenge mendena namba lakando kararamiŋi lao yapalyo nyepala dokona karalapa lao jero, lamaii kande, leyo.

Samu 139:24

Namba keta kyambona renge mende palape lao pyapi pyuo kandapala lete karalu kararo kata dokonalanyuo papipi.

Aisaya 6:10

Lapala namba langyuo, Nakama lengeme kando kaleme soo suu pinginya soo manji nyuo kara narami lao wambu dusipana suu pingi kendanyi nembo kale kata poeyanyi nembo lenge iminjinyi pyambuo karape. Nakama soo manji nyuo karamili mona kapu kyimili dokome namba pyuo nyipuli, leya.

Jeremaya 18:11

Dokona lao embame Juta wambupi Jerusaleme palaminyi dupwape randa mainya pipunu dokona dakepa oo randa mainya rapa rapa pyuo kaelyo letamo lao lamaipala koo pilyaminyi dupwa yaki nyuo kata koo papilyaminyi dupwa alowa pyuo kaena lao lamaipi, leya.

Jeremaya 18:8

wambu dupwana suu pingi yulu koope dupwa mata maiyuo kaeyarami ramo dokopa namba laro dokona palya nao alowa pyuo kaeyaro, leya.

Jeremaya 23:14

Dopa piminyipape yuu Jerusaleme dokona poropeta akali karaminyi dupwame yulu koo ai pingi doko piminyi kandelyo. Nakamame enda kepo pipala pii kyambo letaminyi. Wambu dupwa yulu koo pinya lao kata lasaka pyuo karaminyi dokome wambu mendeme yulu koo dupwa yaki nyii narami ingilyamo. Nambame kandapu dokopa yuu Sotoma Gomora dolapona koo piyaminyi dopale manda manjo pelyamo.

Jeremaya 26:3

Wambu dupwame pii doko sepala nakamana yulu koo dupwa kame soo yaki nyerami rapisi. Nakamana yulu koo dupwa peparaena nambame nakama keta randa mairu lao rapa rapa piyu doko nambana suu pingi alowa pyuo kaeyaro.

Jeremaya 36:7

Kamongo dokome banya imbu singi andake isare ingyuo ango karapya dokome wambu dupwa pipya randa mairu lapyamo doko silyaminyi dokona nakama Kamongo kando ateŋa lao nakamana koo dupwa yaki nyuo kapu kyuo eparami rapisi, leyo.

Isikiolo 18:23

Akali koo pingi kumara dokopa namba mona seramopa rae maiyuo karare lao suu pilyamisi? Dopa lao Kamongo Mupwa Andake Wakasa dokome piso silyamo. Ama daa baa mona enenge palyuo epo lete kararamo dokopa kando namba rae mairu.

Matyu 13:15

Dokona lao wambu dapwana monarena sinjimu lombo palamo. Nakama kalepoe ingyapala lenge raa nao karaminyi. Dopa pilyaminyi dokome nakamana lenge dokome angi kanda nao, nakamana kale dokome see nao, nakamana monarena soo gisa nao pyuo karapala namba pyuo elya pyuo nyakalase lao kapu kyepala epa nalyaminyi, lao pyasi palamo.

Make 4:12

Kando pele pele pipala kando gisa narami. Kalena iki sepala soo gisa narami. Angingyuo simili dokopa Anatu dokona mona kapu kyepala, nakamana koo dupwa kame sakasi sipyamo karamili.

Luku 20:13

Dokopa ee range akali dokome dopa leya. Nambame apa pirose? Nambana ikinyingi mona retelyo doko pena laro ramo dokopa, baa kando rape rape lao pirami rapisi, leya.

APOSELENA YULU 26:18

Nakama lenge rapala iminjapya dorena karaminyi doko kapu kyepala yangara dorena kando karo Sataneme porai ingyapala puu maipyamo pyuo karaminyi doko kaepala Anatu suu pyao karena lao lamaiya pare. Dokome nakama kapa ingingi lao suu pyaraminyi dokopa Anatumi nakamana koo dupwa kame sakamairamopa nakama banya wambu yapasi ingyuo sukusa epapala kararami.

APOSELENA YULU 26:20

Kamba laa napala wambo Damasakesa range dupwa boo pyao lamaiyu. Lamaipala enakana Jerusaleme dokonape yuu Jutia kipwa kipwa dupwa peparaena rangepe wambu rara wakale dupwa opetae polo lamaiyuo, Nakama mona kapu kyepala Anatu suu pyao karalapape. Karapala mona kapu kyingi wambu yulu rolae pingi dupwa iki pyuo karalapape, lao kareyo.

APOSELENA YULU 28:27

Nakamana mona anda kinjilyamo kale kata upi lapala karaminyi lenge iminjaro karaminyi. Nakama kandakinyuo dopa pyuo karaminyi. Pii namili doko lengeme kandowape kaleme sowape suu pinginya soo manji nyepala namba kando mona kapu kyimili dokome pyuo nyipuli, letamo Anatumi.

APOSELENA YULU 3:19

Nakamana yulu koo dupwa kondapala Anatu dokona mona kapu kyerami dokopa baame nakamana koo dupwa kwuanyi nembaramopa isa para.

Dutaronome 30:2

Dopa pyuo paramo karo dokopa nakamape nakamana para pyao nyeraminyi dupwape kamba kapu kyuo Kamongo keta pyamalyuo karo nakamana mona peparaeme nambame banya mawa pii dakepa langilyu dupwa suu pyao manjo kararami ramo dokopa nakamana Kamongo Anatu dokome nakama kando sakame kumuo karara.

Dutaronome 30:8

Dokopa nakamame baapa rape rape lao karo mawa pii lapo epapu langilyu dupwana minyuo kararami.

2 Pita 3:9

Dokona ingyuo lapome baa mende piro lalu lao leyamo doko kame sepala pii nalyamo lao suu pilyaminyi. Doko renge angi see napala mee lao karamisa pilyamo. Anatumi koo keta pasarami lapala mona kapu kyamili lao isaro karapyamo pilyamo.

1 Samyuele 7:3

Samyuele Isaraele wambu dupwa lamaiyuo lao, Nakamana suu pingi monape peparae Kamongo keta pyamalyapala kapu kyuo baa karamo dokona panya suu piyami kande dokopa yuu wakale range dupwana mee bange anatu lenge dupwape dee mee bange anatu enda Aseta yale lao pyuo waso lakandenge dupwape neta nembalapape. Nembapala dokopa nakama peparae Kamongo maiyalu maiyuo maipala baa iki lakandalapape. Dokopa baame nakama Pilisitia wambunya porai doko anamasi minyuo kingi raka lao nyera, leya.