Jeremaya 36:2 - Anatunya Buku Baepole Ole Testamene Pii Lapo dee Nuu Tesamene

² Pepa yoko kao pele pele lasi doko nyepala nambame Isaraele wambunya laope Juta wambunya laope dee rara peparaena laope langiyunu pii dupwa peparae pepa dokona pyao retape. Yuu gii Josaya baa kiŋi kareyamo dokopa wambo langyuo pao epapu langipunupape dupwa peparae pyao retape.

Jeremaya 36:2 Iomraidhean Croise

Esera 6:2

Dokona koteyaminyipape yuu Mitia yuu taone Ekepatana lenge dokona pepa rongo pisi siyamo dokona pii pyasi dasipa paleyamo doko kando nyiyami.

Jopo 31:35

Namba pii leto dokona mendemepe aki letene lao see naramisi? Pii peparae kinyiŋi lao lalu lao leto. Anatu Porai Wakasa dokome isingi yano pyakana. Nambana koo pingi dupwana lao nambana nyisu petenge dupwame yango palyuo minyuo eparaminyi dokopa namba randa nyereŋe lao pepana pyasi sipyali

Samu 40:7

Kandapala nambame buku kao pele pele lasi dokona leyamuli pyuo dae karo.

Ekesetase 17:14

Dokopa Kamongome Mosese lamaiyuo lao, Wambu dupwame suu pyaramiŋi lao dopa pyuo Amaleke wambu pyao anamasi minyiyamaŋa lao arome pyaramiŋi sinju pii pyao retape. Dee Josua lamaiyuo, Nambame Amaleke wambu dupwa kingi see nana lao pyao nembalu nembo nembaro lapya lape, leya.

Aisaya 8:1

Kamongome namba langyuo, Pepa yoko kameyali mende nyepala dokona pyao pingi kameya ingyuo pyapala pyao palyape. Pii dake, Waiya Lao Kokwa Soo Apa Nenge, pyao palyape.

Jeremaya 1:10

Epapu dakepa nambame emba pawa jepala yuu muu wakale wakale dupwa kiŋinya yuu wakale wakalena iso karape lao rombo palyipunu pilyamoŋo. Pyao lalyinyi nembo pyao kokwa sinyi nembo pyao rakapyanyi nembo pyao ralyuo neta kupinyi nembo apa yuu pyao dee minyalyuo pyuo pyuo pupi lao rombo palyilyu kande, leya.

Jeremaya 1:5

Nambame emba endakinyinya ingi anda dokona wane ingyalana karo dokopa wambo rombo palyiyu. Dee emba manjipa nayaminyipa wambu rara dupwana peparae emba poropeta karare lao wambo rombo palyuo kaeyo, leya.

Jeremaya 1:9

Lapala enakana Kamongo banya kingi doko pyasinju lapala nambana kambu doko minyandeya. Minyandapala namba langyuo lao, See! Nambame pii emba langilyu dupwa emba kaeya nao lape.

Jeremaya 2:4

Nakama Isaraele rara dupwa peparae Kamongona pii dake, selapa.

Jeremaya 36:14

Lamaiyamosa akali mupwa dupwame akali Juti (Netanayana ikinyingi, Selamayana kauwange dee kauwange kyawa doko Kusi lenge) dokome pepa kao pele pele lasi wambu yaka lamaiyuo karapyamo doko minyuo epena Baruku lamaiyala pena leyami. Dokopa Baruku buku kao pele pele lasi doko minyuo akali mupwa dupwa peteyami dokona peya.

Jeremaya 36:18

Dokopa Barukumi isingi lao, Jeremayame pii peparae langipyamopa nambame pepa kao pele pele lasi dakena pyanjilimi pyapu, leya.

Jeremaya 36:23

Dokona akali Jutimi pepa pyasi dokona lane remape kisimape mende yaka lapeyamo dokopa kiŋi dokome kema wua kuki mendeme kunjapala isarena kiso peteyamo pao buku kao pele pele lasi doko rao oteya.

Jeremaya 36:29

Kamongome kiŋi doko dopa lamaipi, leya. Embame buku kao pele pele lasi doko kiso dokopa Jeremaya piso soo, Akipamo Bapilone kiŋi dokome epapala yuu dake pyao kokwa soo dee wambu menape dupwa pyao kumuo pira ingilyamo lapipi lee kande, leya.

Jeremaya 36:6

Dopa pirunupape wambu dupwa nenge dee wasaka pyuo peteyami kande dokopa emba tembole anda dokona papala pepa kao pele pele lasi doko ketae palyuo poraiyuo yaka lape. Lare dokopa Kamongo dokome namba langipyamo pii peparae nambame emba jipunu dupwa serami. Wambu dupwa peparae serami pandandena yulu doko pipi. Dee Juta wambu dupwa nakamana yuu taone dupwana piso iminyi dupwa opetaeko serami.

Isikiolo 2:9

Leyamo dokopa namba kareyono dorena kingi peyara kande dokopa pepa rongo pisi doko peyamo kandeyo.

Dutaronome 31:24

Dokopa Moseseme Anatunya mawa pii dupwa bukunya piya. Pyao dokopa mendaki mendepe isa nemba naya.

Ipuru 10:7

Kandapala nambame buku kao pele pele lasi dokona leyamuli pyuo dae karo. Emba suu pyarenyili pyuo piri leya.