Jeremaya 31:7 - Anatunya Buku Baepole Ole Testamene Pii Lapo dee Nuu Tesamene

⁷ Kamongo dokome letamo, Wambu rara dupwana kamame andake doko Isaraeleŋe lao lakando kenane pyalapa. Kamongo dokome banya wambu dupwa kyawa lete nyipya. Baame wambu pingyasi lapo petaminyi dupwa kiiramo nyipya dokona nakamana kenane lakando pingi doko pyalapape.

Jeremaya 31:7 Iomraidhean Croise

Samu 126:2

Namwana giyuo giyuo piyamanopape dee kenane pyao rae rae maiyamanopape dokona yuu muu menge dupwana sepala namwana lakao Kamongo dokome yulu andake doko pyakamilyamo, leyami.

Samu 14:7

Isaraele wambu mata kyakao nyeramo doko yuu Sayonepiso epo epena lao ateŋa leto. Kamongome wambu dupwa dee minyalyaramopa Isaraele wambu dupwa raeme kumuo pisirami.

Samu 67:1

Anatu embame namwa sakame kumapala elyape keta piso kalya pyuo nembape. Namwa koo nono ingyuo kanda napala anjiki pyuo kandape.

Samu 69:35

Baame yuu Jerusaleme doko nyiso Juta wambunya taone dupwa dee kamba pyakamira dokopa banya wambu dupwa dokona yuu rombo pyao nyuo nao palirami ingilyamo.

Aisaya 1:9

Kamongo Porai Wakasa dokome apa pilyaminyi lao kata kandala pena lao laa nayali doko Jerusaleme mende yapa ronge nyii nao yuu Sotoma Gomorapana piyamo dopale ingyuo pupyali.

Aisaya 44:23

Kamongome banya yulu andake pyuo lasaka pyuo banya Isaraele wambu dupwa nyiso pyuo lete nyiya dokona nakama yake panda dorenape isa yuu rapunya palenge dupwape dee imwa isape yuu kyaupi dupwa nakama pii ketae palyuo lao rae maiyuo karalapape.

Aisaya 52:8

Wambu lapo yuu taone doko iso karaminyi dupwa ama rae wakasa maiyuo pii poraiyuo letaminyi. Kamongo kapu kyuo yuu Sayone dokona epelyamo doko nakamana lenge angi rangena dokome kandelyaminyi.

Aisaya 61:9

Nakamana kingi doko yuu muu dupwana ulepalepa paramopa wambu kando serami. Wambu peparae dupwana mendeme nakama kandapala dokopa nambame keyange inginyi pyambuyalyamo lao soo gisarami.

Jeremaya 20:13

Akali yulu koo pingi dupwame randa maiminyi karaminyi wambu dupwa kiiramo nyingi dokona suu pyao Kamongo doko kenane pyao banya kingi ketae pyambuo lakandamanale.

Jeremaya 23:3

Nambame nambana wambu lapo dupwa bolombalo lao yuu wakale dupwana nembeyono dupwa nyuo malu palyuo lanyuo epo yuu andape range dokona peyaro. Dopa pirunupa nakama keta wane wanakepe malu wai kisaronopa rara doko ando nyimbwara.

Jeremaya 31:12

Nakama yuu kyau Sayone dokona epo raeme kumuo kenane pyao pisirami. Dee nambana bange witi jingipi ipwa waenepe olipi ipwangepe mena sipisipi dee mena bulamakaope mairunu dupwa kando rae maiyuo kando nyerami. Dokopa nakama palu karo pirami dupwa ee nengepe ipwa apumi nenge pipala mena mena lao andenge dopale ingyarami dee nakama aki bange mende yano piramo kararami dupwa peparae nakama keta palira.

Ee Lenge Kenane Dupwa 1:1

...

Osia 1:7

Dopa piramopape nambame Juta wambu dupwa kondome kumuo nyisaro. Namba nakamana Kamongo Anatu dokome nakama nyisaro. Nyisarono doko yanda piraminyipa wua gelape yanda kakupimi nyisaronde daa. Dee mena osemepe mena ose matana petenge akali dupwa pipyamo nyisaronde daako.

Joele 2:32

Dokopa mendeme Kamongona kingi lapala baa lete wai pyao nyakapili lao lara ramo doko baa nyiso pyuo nyera. Kamongome leyamuli pyuo yuu kyau Sayone dokonape dee Jerusaleme dokonape lapo mee lete kararami. Dokopa Kamongome wambu lapo rombo palyuo nyeramo dupwa kuma nao lete kararami.

Emosa 5:15

Yulu koo dupwa epe kanda nao karapala yulu rolae dupwana mona nyuo pyuo karalapape. Nakamame kote pii dupwa rolae angi dokona palyuo lao karalapape. Dopa pyuo kararami ramo dokopa Kamongo dokome nakamana rara dokona mee kyaka petaminyi dupwa sakame kumuo karara rapisi.

Maeka 2:12

Dopa piramopape nambame Isaraele wambu pyarepala pao karaminyi dupwa peparae nyuo pyasaro. Nambame nakama mena sipisipi ingyuo kame sukusa karo isakona karo pilyaminyipa lanyuo epenge doko suu pyao nakama lanyuo eparo. Nakamana yuu dokona wambu palyuo kete pyarami, leya Kamongome.

Maeka 7:18

Kamongo emba yale anatu mende kara nalyaminyi. Embena wambu mee kumapa nao lete karaminyi dusipana koo dupwa nyuo kame sakamilini. Emba mee imbuo karalu kara napala embena mona retalu reto retenge renge doko namwa keta lasaka pingi.

Orome 11:5

Yuu gii dakepa dopaleko ingyuo pelyamo. Anatumi banya sakao nyiso karenge dokome lao wambu lapo iki rombo palyuo nyiya.

Orome 9:27

Aisayame Isaraele wambu dupwana lao pano lao kareya. Isaraele wambu dupwa ipwa pota kee kana ingyuo paramopape mendasipa iki sukusa epena laro leya.

Dutaronome 32:43

Dokona yuu mure lao Kamongona wambu dupwa lakandarami ingilyamo. Kamongome banya wambu pyao kumakaelyaminyi dupwa isingi pyao randa maira ingilyamo. Dokopa baame banya yanda pimwai dupwa keta yano nyuo banya wambu dupwana koo dupwa nyuo kame sakamyuo pingi, leya.