Jeremaya 31:2 - Anatunya Buku Baepole Ole Testamene Pii Lapo dee Nuu Tesamene

² Isaraele wambu lapo yanda pimwai keta kumarami doko wanjo epeyaminyi dupwa yuu muiyane dokona nambame sakame kumungi renge doko lasaka piyu. Dokopa nakama koo selana lao koto aiye leyaminyi dokopa

Jeremaya 31:2 Iomraidhean Croise

Samu 95:11

Namba imbu singi nyepala lalu lao lao, Nambamoo pipya koo sela epa narami, leyo.

Ekesetase 1:16

Nakamba Ipuru enda dupwa wane mandena lao nyiso parambinyi dokopa wane ane ramo doko pyao kumako wanake ramo doko andena kaeyo pipwape, lamaiya.

Ekesetase 1:22

Dokopa kiŋi Perao dokome mawa pii dake poraiyuo lamaiyuo Ipuru wane nyaŋa manjiraminyi dupwa nyuo ipwa Naelena pyao nembo wanake dupwa andena kaeyo pinya leya.

Ekesetase 12:37

Isaraele wambu dupwa yuu Oramese piso kata nyuo yuu Sakote dokona panya yuu kata peyami. Peyaminyi dokopa akali ama malu (600,000) dee enda wanepe dupwa opetaeko peyami.

Ekesetase 2:23

Ee kana malu epo peyamopa Isipi range kiŋi doko kumuya. Dokopa Isaraele wambu dupwa ee lao nakama karapusi yulu pyuo karo makapala mendeme nyisapyali lao ee lao kareyami. Dokopa Anatumi Isaraele wambu ee lao kareyami doko siya.

Ekesetase 33:14

Leyamo dokopa Kamongo dokome lao, Namba nakama role paramanopa nakamame anamasi minyuo wini pirami, leya.

Ekesetase 5:21

Dokopa isingi akali dupwame Mosese Eronepa kando, Nakamba sipurapala mende piyambinyi dokona Perao banya wambu pipya namwa kando awa nalyaminyi. Dokona Anatumi nakamba kando kote lao randa mainyale. Nakambame namwa pinya lao wua nyuo kingi rakana palyakamyuo nyuo kisambisa pipya, leyami.

Jeremaya 2:2

Wambu peparae Jerusaleme petaminyi dupwa wai pii dake lamaila pupi. Nakama wane ene dokopa namba yaki nyii nao suu pyao mona reto kareyami kande lao suu pyao karapunu pilyamo. Enda mapwae kanda soo yapo nyepala dokopa mona retalamuli pyuo nakamame namba mona reto kareyami. Nakama yuu muiyane dokonape dee yuu ee nengepe wara pii nange dokonape nakama namba moko minyuo epeyami.

Osia 11:4

Nambame nakama anjiki pyuo mona reteyo. Nambame nakama minyalyuo nyuo angapu punji punjirena karena lao reto kareyo. Nakama peteyami dokona isa mata kui lao pisipala nenge piyu.

Nambase 10:33

Wambu dupwame yuu kyau poo pyasi mende kingi Sainai lenge doko yaki nyepala yuu gii rema nembo peyaminyi dokopa Kamongona Kana Minyuo Lalu Lao Lenge Pii Palenge Bokote doko soo wambako pao nakama paliraminyi yuu pandape lasaka pira lao koto peyami.

Nambase 14:20

Kamongome isingi lao, Embame namba piso silinyili pyuo nambame wambu dupwana koo nyuo kame sakamiru, leya.

Matyu 11:28

Wambu yulu andake kendame kumuo pyuo karaminyi dupwa namba karo dokona ipupwape. Dokopa nambame nakama mata kyakao nyero.

Dutaronome 12:9

Doko nakama manda rao palyuo kararami lao nakamana Kamongo Anatu dokome yuu jilyamo dokona pao pyaka sepa naraminyi dokome mee maso lakandelyaminyi.

Dutaronome 8:16

Yuu muiyane dokona nenge rara wakale myana lenge nakamana rora ambasu dupwame nao kanda nange doko nakama nalapa lao jiya. Randa joo lumwa dokona baame bange keyange joo nakama elyape keta pisaroŋo lao baame nakama randa joo makande piya.

Josua 1:13

Kamongona kendemande akali Mosese dokome nakama langiya kande. Doko nakamana Kamongo Anatu dokome ipwa Jotane epenge yuu neta pyakalyingi dorena nakama rangena ingyara lao jeraŋa, leya.