Jeremaya 31:12 - Anatunya Buku Baepole Ole Testamene Pii Lapo dee Nuu Tesamene

¹² Nakama yuu kyau Sayone dokona epo raeme kumuo kenane pyao pisirami. Dee nambana bange witi jingipi ipwa waenepe olipi ipwangepe mena sipisipi dee mena bulamakaope mairunu dupwa kando rae maiyuo kando nyerami. Dokopa nakama palu karo pirami dupwa ee nengepe ipwa apumi nenge pipala mena mena lao andenge dopale ingyarami dee nakama aki bange mende yano piramo kararami dupwa peparae nakama keta palira.

Jeremaya 31:12 Iomraidhean Croise

Samu 130:4

Doko daa ingilyamo dokona embame nyuo kame sakarenepa namwa embame lasarene lao suu suu pyao karamanale.

Aisaya 1:30

Nakama yuu kulisa dokopa kapya waingi ipwa pyaa nalyamo yando nalamuli pyuope ee waingi neta kone dokona ipwa yangyuo yando nalamuli pyuo soo parami, leya.

Aisaya 35:10

Nakama rae maiyuo Jerusaleme kando nyuo dokopa kenane poraiyuo pyao rae maiyuo parami. Saka rengepe mona randange rengepe dupwa nakama keta epa naramopa rae maiyuo karalu kararami.

Aisaya 52:8

Wambu lapo yuu taone doko iso karaminyi dupwa ama rae wakasa maiyuo pii poraiyuo letaminyi. Kamongo kapu kyuo yuu Sayone dokona epelyamo doko nakamana lenge angi rangena dokome kandelyaminyi.

Aisaya 58:11

Dokopa yuu peparae nambame nakama bange keyange dupwame mende yangya naramo karamili lao joo kata angi lasaka pyuo kararo. Dopa pyuo dokopa nambame nakama yanenge reto porai ingyuo karalapa lao minyaro kararo. Dokopa nakama ee nenge ipwa apupi nyepala menya menya lao andenge dopale ingyuo kararami. Dee ipwa guu doko sokwa nao epo karenge dopale ingyuo palyuo karo pirami.

Aisaya 60:20

Nakamana mona rando ee lenge yuu gii dusipa lumwa pira. Dokopa namba Kamongo doko kendali ingyuo neta kanape dolapo yalaponalu rao sulu sero.

Aisaya 65:19

Yuu enengepe dokona wambu dupwape kandarono dokopa namba range keta rae maingi renge palyuo simbwara. Yuu dokona ee lengepe dee mende pirasa nyisinya lao pisingipi mende see nara.

Jeremaya 31:24

Wambu dupwa yuu Juta dokona palyuo dee taone dupwana palyuo pirami. Piraminyipa nakamana lapome ee wara pirami dee lapome sipisipi rapu pyuo pirami.

Jeremaya 31:25

Dokopa wambu makarami dupwa nambame mona keyange palyinyi pyambwaro. Dee loparami dupwa nambame nenge pirunupa nao sikya piramo kararami.

Jeremaya 31:4

Nambame nakama dee kamba dopona pili lao andanyi pyambwaronopa nakama nakamana lakuli nyepala pyao rae maiyuo mali lyuo wamya lyuo pyakalyuo pyao kararami.

Jeremaya 31:6

Waa. Yuu kyau Eporaime dokona karo isingi akali dupwame lao lao, Yuu kyau Sayone namwana Kamongo Anatu petamo dokona monale kee larami yuu gii doko epelyamo.

Jeremaya 31:7

Kamongo dokome letamo, Wambu rara dupwana kamame andake doko Isaraeleŋe lao lakando kenane pyalapa. Kamongo dokome banya wambu dupwa kyawa lete nyipya. Baame wambu pingyasi lapo petaminyi dupwa kiiramo nyipya dokona nakamana kenane lakando pingi doko pyalapape.

Isikiolo 34:14

Nambame yuu kyau keyange nenge malu elyape singi dupwanape dee yuu anda lama lama rambi keyange singi dupwanape nakamba koo keta pali napala nao karena lao lama pyaro.

Isikiolo 36:30

Dopako pyuo lopo kone seramopa yuu liti andake dupwa pipa moŋo nyuo palya namili lapala isa jingi nenge isa dupwana lokwaso palyuo kakana pinyi nembakaro.

Osia 3:5

Dokopa enakana Isaraele wambu dupwa dee kamba nakamana Kamongo Anatu doko keta kamba range papala kiŋi Dapitinya para pyao nyeramo doko keta parami. Yuu gii doko eparamo dokopa nakama Kamongo kando baa mupwa lao suu pyao pakame kumuo karapala Anatumi bange keyange mee mairamo dupwa nyuo kararami.

Joele 3:18

Yuu gii dokopa girapo isa dupwa yuu kyau dupwana paeyo mee bange ingyuo andaramopa mena dupwa yuu kyau peparaena buu minyuo kararaminyi kandarami. Juta wambu dupwana ipwa epenge dupwana ipwa malu epara. Kamongona tembole anda dokona piso ipwa mende guu lao jerae pyao lupyuo eparamo dokome yuu Akasiya pau lama lama dokona isa andenge dupwa nenge pira.

Jone 16:22

Doko suu pyao epapu nakama kondome kumuo karaminyi. Dopa pilyaminyipape nambame nakama dee epo kandarono dokopa nakama monarena pyakalyuo pyaramo kararami. Dokopa mendalimi nakama monarena pyakalyuo pyaramo renge doko rekya lao nyeraminde daa.

Orome 2:4

Anatunya yulu keyange anjiki pyuo waiya lao randa jii nao pilyamo doko mee kuki lapala pilyamipi? Yulu elyape dokome Anatu nakama mona kapu kyuo karalale lao pilyamo doko soo kanda nalyamipi?

Orepalaisane 21:4

Anatumi isa wambu mona minyarambu nakamana lengena ee kwuakamira. Nakama dee kuma naope sakame kumuo mona rando ee lao kara nao pirami. Yulu wambo singi dupwa pyalingi nyilyamo leya.

Orepalaisane 7:17

Sipisipi Ikyane petenge isa andake dokona karapala baa nakamana rapu pingi ingyuo pelyamo. Baame ipwa guu lete palenge dokona nakama reto karara. Doko Anatumi nakamana ee kwuakamirasa pira leya.