Jeremaya 26:3 - Anatunya Buku Baepole Ole Testamene Pii Lapo dee Nuu Tesamene

³ Wambu dupwame pii doko sepala nakamana yulu koo dupwa kame soo yaki nyerami rapisi. Nakamana yulu koo dupwa peparaena nambame nakama keta randa mairu lao rapa rapa piyu doko nambana suu pingi alowa pyuo kaeyaro.

Jeremaya 26:3 Iomraidhean Croise

1 Kiŋi 21:27

Ilainja pii lao otapeyamo dokopa kiŋi Ayapeme banya komau doko minyuo kangunyi nembapala baa kumanda wapungi komau wapuo nenge naa nao mee luu palyuo baa mona randame kumuo peteya.

1 Kiŋi 21:29

Epapu kiŋi Ayape kandape. Namba kando inyimungu pisipyamo doko emba kandelese? Dopa pyuo karapyamo dokona nambame epapu baa lete karamo yuu gii dakepa baa keta randa mai naro. Rengya banya ikinyingi dupwa kararami yuu gii dokopape Ayape banya ree palu dupwape keta randa doko mairu, leya.

Jeremaya 26:13

Nakama palyuo karo pilyaminyi kata dupwape dee pilyaminyi dupwape alowa pipwape. Pipala nakamana Kamongo Anatu dokona pii laramuli pyuo kamba laa nao pipwape. Dopa pirami ramo dokopa baame randa mende peyo pyao kokwa sero leyamo doko alowa pipala kaeyara.

Jeremaya 26:19

Lapala kiŋi Esakayamoo Juta wambu dupwapeme akali Maeka baa pyao kumaka nayami. Pyao kumakapenge doko suu pyao akali Esekayame Kamongo doko pakapala baame Kamongo rae mairali yulu lapo piya. Dopa piyasa Kamongo dokome nakama keta randa mairu leyamo doko nyuo alowa pipala kaeya. Dokona epapu namwa rangeme randa ama koo andake nyelana minji nanji pilyamano.

Jeremaya 36:3

Mende dee Juta wambu dupwa keta randa peparae nambame mairu lao lao reteyo doko sepala nakama koo pyuo kata koona pelyaminyi dupwa yaki nyuo kaeyaramiko rapisi. Dokopa nakamana yulu kopetame pilyaminyi dupwape dee koo pilyaminyi dupwape nambame nyuo kame sakamiru.

Jeremaya 36:7

Kamongo dokome banya imbu singi andake isare ingyuo ango karapya dokome wambu dupwa pipya randa mairu lapyamo doko silyaminyi dokona nakama Kamongo kando ateŋa lao nakamana koo dupwa yaki nyuo kapu kyuo eparami rapisi, leyo.

Isikiolo 18:21

Akali yulu koo pyuo karara mendeme koo yaki nyuo kaepala nambana mawa pii dupwa minyuo dee rolae pira ramo doko baa kuma nara. Baa mee lete karara.

Osia 11:9

Dokona lao namba mee akali daa namba Anatu. Nambana imbu singi dokome nakama randa jii naro dee Isaraele wambu dupwa dee kamba pyao kokwa see naroko. Namba doko ama Poo Pyasi ingyuo karo. Namba doko nakama role pyao karo. Dokona namba imbu singi paleta nakama keta epa naro, leya Kamongo dokome.

Joele 2:14

Mende ramo namwana Kamongo Anatumi randa jelana suu pyara doko alowa pipala namwa keyange keta pyambuo ee nenge dupwa ama malu jera. Dokopa namwame nengepe waenepe dupwa Kamongo doko mairama.

Jona 4:2

Dokopa Kamongo lao loma soo dopa leya. Namba ene anda yaki nyelana dokopa dake dopa piri lao laa nayope? lao Kamongo doko piso siya. Renge dokona namba kaepala yuu Tasisi dokona panya peyo, leya. Embame Anatu waa waa lao kondome wakasa kumungi doko namba siyu. Yuu peparae emba keta renge keyange dupwa ipyali lao enda akalipi dupwa anjiki pyuo mona reto karenge. Dee yuu peparae embena suu pingi alowa pyuo randa mairu lenge doko kaenge kandape leya.