Jeremaya 26:18 - Anatunya Buku Baepole Ole Testamene Pii Lapo dee Nuu Tesamene

¹⁸ Akali Esakaya baa Juta wambunya kiŋi ingyuo kareyamo dokopa poropeta akali Maeka yuu Moresete range dokome Kamongo Porai Wakasa dokome leyamo pii dupwa wambu peparae lamaiya. Yuu Sayone doko kwai mapu lapo pyasi sili lao yuu Jerusaleme doko ama pyao kokwa sinyi nembo dee tembole anda karenge dokona imwa palyuo pira.

Jeremaya 26:18 Iomraidhean Croise

2 Kiŋi 19:25

Nambame dupwa peparae yuu wamba rapa rapa pyuo reteyo doko emba kaname see nangese? Epapu dakepa nambame minyuo pulyuo raelyo. Yuu taone kana kame porai awali lao palenge dupwa nyuo koo ingyuo kokwa sinyi nembo pepe lao nambame emba porainya renge jiyu.

Niyamaya 4:2

Banya yangonge dupwape Samaria yanda pingi akali dupwapena lenge kambu kando dopa leya, Juu wambu wale wale lasi dupwa apa pilyamisi? Nakamame bange kwaenge dupwa kapa pyuo dee singinyili pyuo pyuo waselana pilyamisi? Nakamame mena pyao kiso maipala yuu gii mendakinya kana kame pyuo otaramisi? Kana rao longasi dupwa isa pao siyamo dupwame apa pyuo kapa nyuo kana kame piramisi? piso siya.

Jeremaya 9:11

Kamongo dokome lao, Nambame yuu Jerusaleme doko kokwa sinya laro. Dopa pipala yuu doko suwa rae lenge makando karena lao piru. Juu wambunya yuu taone dupwa nyuo mee inginyi nembo yuu muiyane seramopa panda dokona mendali pali narami.

Maeka 1:1

Akali Jotame Easa Esekayamoo dusipa Juta rara dokona kiŋi yulu pyuo kareyaminyi yuu gii dokopa Kamongo Anatumi akali Maeka yuu Moresete range doko pii lamaiyamo dupwa buku dakena pyasi palamo. Kamongo dokome pii dasipa yuu Samaria Jerusaleme dolapona ingyuo Maeka nolakao lamaiya.

Maeka 3:12

Nakamame dopa pilyaminyi dokona ingyuo yuu Sayone doko kwai mapu lapo pyasi sili lao yuu Jerusaleme doko ama pyao kokwa sinyi nembo dee tembole misi anda karenge dokona imwa palyuo pira.

Maeka 4:1

Yuu gii ene eparamo dupwana yuu kyau tembole misi anda karamo yuu doko kamame ketaele ingyuo sera. Seramo dokona wambu rara wakale malu mee dupwa epo kararami.