Jeremaya 26:11 - Anatunya Buku Baepole Ole Testamene Pii Lapo dee Nuu Tesamene

¹¹ Gii dokopa purisi akalipi poropeta akalipi dupwame lita akalipi dee wambu dupwape kando lamaiyuo lao, Akali dakeme yasu kee lao namwana yuu taone doko kando koo inginyi nembo pulyuo letamo dokona baa randa maiyuo piso soo kote lao pyao kumarami ingilyamo. Dokona pii lapyamo dupwa nakama rangena kale dokome rolae simi kandapi, leyami.

Jeremaya 26:11 Iomraidhean Croise

Jeremaya 18:23

Dopako pyuo nakamame namba pyao kumaselana suu pyao karaminyi doko Kamongo emba silini kande. Nakamana koo pilyaminyi doko kame sakami napipi. Koo dupwa nakama keta sinya kaeyape. Embame imbu singi nyepala dokona nakama isa palyuoko karena lao kandaro karape, leya Jeremayame.

Jeremaya 26:16

Leyamo dokopa lita akalipi wambu dupwapeme poropeta akalipi purisi dupwape kando lamaiyuo lao, Akali dakeme namwana Kamongo Anatunya kingi lao pii langipyaŋa. Baa pyao kumaka narama ingilyamo, leyami.

Jeremaya 38:4

Dokopa akali mupwa dupwame kiŋi doko peteyamo dokona papala lamaiyuo lao, Akali dake pyao kumakamana. Baame pii dopale lapya dokome yuu taone dokona yanda singi karenge dupwa paka renge manjinyi pyambuo letamo. Dee wambu pyarepala pao yuu taone dokona pisiminyi dupwa dopako pinyi pyambuo letamo. Akali dakeme wambu dupwa nyisalana suu pyao laa nalyamo. Baame wambu dapwa isa nenge kara nange dokome suu lao randa maiyuo letamo, leyami.

Matyu 26:66

Apa lao suu pilyamisi? leya. Nakamame isingi lao. Baa kopetame pilyamo kapa kumunya, leyami.

Jone 18:30

Nakamame baa isingi lamaiyuo, Akali dakeme yulu koo mende pii nange pyali doko embena panda peeya namwali leyami.

Jone 19:7

Juu akali dupwame baa lamaiyuo, Baa Anatunya Ikinyingi ingyuo karo lapyamosa dokona namwana mawa pii mende palamo dokome baa kumara ingilyamo leyami.

APOSELENA YULU 22:22

Poleme pii wambo dupwa lao kareyamo dokopa soo kareyami. Dee pii doko nyokonyuo lapala lao otapeyamo dokopa nakama pii ketae palyuo lapala, Akali dake angi daandelamo, isa yuu dakena kara nanale, pyao nembalapape. Baa lete kara napenge ingilyamo leyami.

Dutaronome 18:20

Poropeta akali mendeme nambame lena laa naronopa namba letamo lao laramo doko kumara ingilyamo. Dopako pyuo anatu wakale lapona kingi dupwana laramo poropeta doko kumarako ingilyamo.

Jasi 6:30

Kando nyepala nakamame Joase lamaiyuo, Embena ikinyi dokome anatu angi daa Bealo lenge dokona kana pyare lasi doko lalyuo koo inginyi nembo dee enda kingi Asera lenge anatuŋu lao lakandenge dokona isa pote pyakepanyi nembapyamo dokome namwame baa pyao kumakamanale. Dokona lao embame baa dae minyuo ipu, leyami.