Jeremaya 26:10 - Anatunya Buku Baepole Ole Testamene Pii Lapo dee Nuu Tesamene

¹⁰ Dopa piyami doko Juta lita akali dupwame sepala nakamame kiŋinya anda doko yaki nyuo waiya lao tembole anda dokona papala Kame Kambu Enenge palyiyaminyi dokona isaro kareyami.

Jeremaya 26:10 Iomraidhean Croise

Jeremaya 20:2

Sepala baame tembole anda Benjamene Kame Kambu Ketae lenge dokona repeta namba pyapala ane angapumi kiimbuo nyinya leya.

Jeremaya 26:21

Leyamo pii doko kiŋi Jiyoakwimimoo banya yanda singi dupwape dee akali mupwa dupwapeme siyami. Sepala dokopa kiŋi dokome baa nyepala pyao kumakalana suu piya. Dopa pyuo suu piyamopape doo leyaminyi pii doko akali Yurayame sepala baa pakame kumuo baa range kyawa lete nyuo yuu Isipi dokona peya.

Jeremaya 26:24

Dopa piyaminyipape namba Jeremayame akali Aikami Sapanena ikinyingi dokona matarena karo yulu piyu dokome wambu dupwame pyao kumakana lao mai nayami.

Jeremaya 36:10

Dokopa wambu dupwa peparae soo peteyaminyipa Barukumi pepa kao pele pele lasi dokona nambame pii leyono dupwa mende isa nemba nao wai lyaro soo yaka leya. Baa doo piyamo doko kiŋinya pepa pingi akali Gemaraya lenge Sapanena ikinyingi dokona panda kuki dokona karo piya. Banya panda kuki doko tembole anda dokona Kame Kambu Enenge konandowame dorena malu palyuo pii lenge panda ketae dokona ingyuo singi.

Jeremaya 36:25

Akali Elanatanemoo Delayamoo Gemarayamoo dusipame buku kao pele pele lasi doko kiŋi dokome kisa napyali lao piso sokondali pyuo leyaminyipape baame nakama doko mende lalyaminyi lao see naya.