Jeremaya 23:8 - Anatunya Buku Baepole Ole Testamene Pii Lapo dee Nuu Tesamene

⁸ Dopa laa naraminyipape yuu dulurena dee yuu wakale wakale dupwana nambame nakama bolombalo lao nembeyono pao kareyaminyi dupwa nyuo minyuo epeyono Anatu lete karalu karenge doko kando pii porakai mende lalana dokopa nambana kingi lao kinyi leto larami. Dokopa nakama rangena yuu dokona palu kararami.

Jeremaya 23:8 Iomraidhean Croise

Jeremaya 23:3

Nambame nambana wambu lapo dupwa bolombalo lao yuu wakale dupwana nembeyono dupwa nyuo malu palyuo lanyuo epo yuu andape range dokona peyaro. Dopa pirunupa nakama keta wane wanakepe malu wai kisaronopa rara doko ando nyimbwara.

Jeremaya 31:8

Nambame yuu dulurename piso minyuo epo dee yuu muu peparaena nakama nyuo malu palyaro. Dokopa wambu lenge koope kimbu koope enda wane paletape dee repeta manjalana piraminyipi dupwa doloma pipya role pyapeta eparami. Nakama yuu dokona rara andake ingyuo kamba eparami.

Isikiolo 34:13

Yuu wakale dupwana kararami dupwa nyuo malu palyuo karo nambame nakambana yuu range dokona lanyuo eparo. Lanyuo epo dokopa nakamana yuu kyau dupwana range karo dee ipwa pona kuki dupwana pyambuo pirunupa nenge malu keyange dupwa nao kararami.

Isikiolo 36:24

Nambame nakama yuu liti wakale wakale kuki andakepe dupwana karaminyi doko nyepala lanyuo epo yuu nakamana range dokona dee lanyuo eparo.

Isikiolo 36:35

Wambu epo dee kandarami dupwame lao yuu taone dake wamba lalyale pau lao kwaeyo apa siya kande doko yuu porai ingyaramopa ee Etenena nenge andenge dopale ingyuo wambu palengende pyuo kareyalyamo larami.

Isikiolo 37:25

Nakama yuu nambana kendemande akali Jekope maiyunu dokona palirami. Jekopena para pyasi nakamana rora ambasupi ingyuo dupwa palyuo kareyami. Nakamape nakamana wane dee dupwana para pyao paramo dupwape dokona palyuo karalu kararami dokopa kiŋi mende nambana kendemande akali Dapiti yale dokome nakama iso karalu karara.

Joele 3:7

Epapu nambame yuu ropo pyao maiyaminyi petaminyi dupwa kaepala nakama nyisa nyuo lanyuo eparo. Dokopa nakamame nambana wambu randa maiyakayami dokona nambame dopako pyuo nakama randa jero.

Maeka 7:15

Kamongo, wamba yuu Isipi doko yaki nyuo epeyamanopa yulu kanda nange yamarangwaramili lapo pii kande doko suu pyao dakepa pyakape.