Jeremaya 23:32 - Anatunya Buku Baepole Ole Testamene Pii Lapo dee Nuu Tesamene

³² Namba Kamongo dokome mende lalyane lao selapape. Poropeta lapome nakamana kombeya dupwana kyambo pii malu palyuo laminyi dupwa awa nao karo. Nakamame kombeya dupwa lamaiyuo kyambo laminyi dupwamepe dee range ketae pyambuo lakandaminyi dupwamepe nambana wambu dupwa kata kyai dokona lanyuo pelyaminyi. Nambame nakama nembo dopa pyuo laramiŋi pena lao laa nayo. Nakamame lami dokome wambu dupwa nyiso laa nalyaminyiko. Namba Kamongo dokome lapusa pilyamo.

Jeremaya 23:32 Iomraidhean Croise

Jeremaya 23:13

Yuu Samaria dokona poropeta akali dupwame koo piminyi doko kandelyo. Nakambame mee bange anatu lao Bealo lenge dokona kingi lapala nambana wambu dupwa ralinyi neta nembelyaminyi.

Jeremaya 23:16

Kamongo Porai Wakasa dokome Jerusaleme wambu dupwa lamaiyuo, Poropeta dupwana pii letaminyi dupwa sakami nalapape. Nakamame rengya mende pira lao kekenge pii malu letaminyi. Nambame mende lapunupa langya nalyaminyi. Nakamba range mende pira rapisi lao mee waso nyepala langilyaminyi.

Jeremaya 23:25

Poropeta akali dupwame nambana kingi dokona lao kyambo laminyi doko namba silyu. Dee nakamame polo lao nambana wai pii doko nakamana kombeya pimwa dokona jilini, letaminyi.

Jeremaya 23:31

Poropeta lapo nakama rangena pii lao dokopa namba keta ipyamo soo nyepala imi ingyalya ingyana pyuo letaminyi dupwa opetae awa nao karo.

Jeremaya 7:8

Kandalapa. Nakamame kyambo lao panga soo minyako pyuo pii lenge dupwana soo nyuo minyilyaminyi.

Matyu 15:14

Nakama lao karenale kaeyalapa. Nakamame lenge koo ingyuo karo akali lenge koo yango lapo lanyuo pelyaminyi. Lenge koo mendeme lenge koo yango lanyuo para ramo doko laparae suu mendena rukyala pao palirambi leya.

2 Korina 1:17

Kata dopa pyuo parona lao lao kaeyono doko male lao leeŋe lao suu pilyamisi? Namba range suu piyunuli pyuo rapa rapa pyuo dokopa suu pingi lamana palyuo eparo lapala enakana daa lao mee kambu ketae lee lao suu pilyamipi?

Dutaronome 18:20

Poropeta akali mendeme nambame lena laa naronopa namba letamo lao laramo doko kumara ingilyamo. Dopako pyuo anatu wakale lapona kingi dupwana laramo poropeta doko kumarako ingilyamo.

Orepalaisane 19:20

Dopa pipala mena koo doko banya poropeta angi daandepa pipu lao kemali pyuo role pyao papingi dolapo nyuo puu maiyami. (Poropeta dokomeyoko wamba yulu andake pyuo wambu malu minyoko piyamo kata dokona ingyuo mena koona make nakamana enamba dokona paleyamopa bange mena koo baa dopale kingimi wasapala kingi lao kareyami.) Nakamba kando yanda pimwaiyuo pipala mena koo doko banya kyambo lenge poropeta akali dokope isare rao lulya kaso karenge andake dokona kupinyi pyambuyami.