Jeremaya 23:24 - Anatunya Buku Baepole Ole Testamene Pii Lapo dee Nuu Tesamene

²⁴ Mendemepe nambame kanda naro panda mendena yalu pyuo kara nara. Namba yake panda dorenape isa yuu panda darenape peparaena kapa kapa pyuo karo doko emba see nalese?

Jeremaya 23:24 Iomraidhean Croise

Jenesese 16:13

Dokona lao enda dokome Kamongo baa pii lamaiyamo doko kingi lao, Anatu Kandanyi Nembo Karenge, leya. Doko suu pyao, Namba Anatu angi kandapunupape lete pisano kaeyalapa, leya.

1 Kiŋi 8:27

Dopa piramopape Anatu, emba kinyi angingyuo isa yuu dakena palyuo karo pilisi? Yake peparae emba kapa karare ingya nalyamo. Dokona apa pipala emba tembole anda piyunu dakena kapa kararese?

Samu 139:7

Nambame embena imambu dokome silini doko yuu anda mende nee pilyandena papala kanda nalase lao parose? Emba anjalapona kara napindena dokona pao yalu pirusi?

Samu 139:8

Yake panda pulyuo paroramo dokopa emba dokona karareko ingilyamo. Dee kumuo yuu koko paliru ramo dokopa emba dokona karareko ingilyamo.

Samu 148:13

Nakama peparaeme Kamongona kingi doko lakandena. Banya kingi doko andake wakasa ingilyamo dokona menge dupwa pipya manda manja nalyamo. Banya neta renge yulu dokome yake yuupi andake ingyuo silyamo dolapo nyuo isa palyuo silyamo.

Samu 90:8

Embame namwana koo dupwa kapa kandanyi nembo karene. Namwana koo yalu pyuo pilyamano dupwa kapa kanda nare ingya nalyamo.

Poropepe 15:3

Kamongo dokome yuu muu dupwana peparae apa pilyape lao kando karenge. Namwa yulu koo pilyamanopape panda keyange pilyamanopape baame kando iso karenge.

Aisaya 66:1

Kamongome lao, Yake doko nambana kiŋinya isa petenge rate silyamo. Isa yuu doko nambana kimbu kararo petenge. Anda apiyakale mende pyakaramisi? Yuu anjukundena namba palirusi? letamo.

Daniele 2:22

Mee wambumi see nangepe dee renge yalu piru karengepe dupwa baame panenge. Dee baame lapo iminjinginya yalu pyuo singi dupwa soo gisingi. Baa keta yanga paupau lao karenge.

Daniele 4:35

Wambu isa yuu dakena palaminyi dupwa angi mende daaŋa lao kandanyi nembelyamo. Aŋala yake panda dokona karenge dupwape wambu isa yunya palaminyi dupwape baa isarena karaminyi. Mendemepe banya yulu pilyamo dupwana yango palya nao dee baame yulu aki pilyamo dupwa piso see narami ingilyamo, leya.

Epesasa 1:23

Elyambu Pingi doko Koraisa banya yongo dopale. Baa dokona renge kuiyuo piso nyimbu penge. Dopako pyuo peparae keta kapa kapa pyuo palenge.

Ipuru 4:13

Anatumi bange peparae wasiyamo dupwana mende baapa nee pyuo sera ingya nalyamo. Bange peparae Anatunya lenge kambunya panembena sera. Baa ketako mendali neta paa napala namwa peparae rangena yulu dupwa polo lamairama.