Jeremaya 23:1 - Anatunya Buku Baepole Ole Testamene Pii Lapo dee Nuu Tesamene

¹ Wambunya akali kyawa dupwame Kamongona wambu dupwa randa maiyuo pyao kokwa soo ralinyi nembo karaminyi dupwa Kamongona kote lenge yuu gii pyaka seramo dokopa randa andake nyeramilyamo.

Jeremaya 23:1 Iomraidhean Croise

Jeremaya 2:26

Kamongo dokome lao, Waa nyingi akali doko minyaro nyepala kando lenge dokopa baa pakao elyange. Doko suu pyao nakama Isaraele wambu peparae elyame kumarami. Nakamana kiŋipi akali mupwa dupwape purisi dupwape poropeta dupwape peparae elyame kumarami.

Jeremaya 2:8

Purisi dupwame Kamongo anja karase? lao piso see nayami. Namba rangena purisi dupwame namba soo nyii nayami. Akali mupwa dupwame nambamoo pipya mona kana pokoyami. Poropeta dupwame mee bange kingimi wasisi Bealo lenge dokona lao poropeta pii leyami dee mee bange angi mende ingya nayamo dupwana kingi lao peyami.

Jeremaya 23:2

Isaraele wambunya Kamongo Anatu dokome dopa letamo. Isaraele wambunya akali kyawa dupwame nambana wambu rapu pyakamiramili kata dokona pyaka nalyaminyi. Nakamame pyao kusape palyuo bolombalo lanyi nembakalyaminyi. Dopa pyuo yulu koo doo pilyaminyi dokona lao nambame nakama randa jero, letamo.

Isikiolo 34:1

Kamongome namba dopa langiya.

Isikiolo 34:21

Nakama mena sipisipi porai ingyuo karaminyi dupwame porai ingya nange dupwa yuu dokona kara nana lao pyao suu lao ralinyi nembelyaminyi.

Isikiolo 34:31

Nakama nambana sipisipi nenge jilyu dupwa nambana wambuŋu. Dee namba nakamana Anatu ingyuo dupwa nambana wambuŋu karoŋo lao namba Kamongo Mupwa Andake Wakasa dokome lapusa pilyamo.

Isikiolo 36:38

Taone lalyuo buru bara pasi silyamo dupwa rengya dokopa wambu simbuo rangu papala yuu Jerusaleme dokona mena sipisipi Anatu pyao kiso maiyamisa menapa yuupa aopa laro karo pyao kiso maiyami kande dopale ingyaro karara. Doo pyuo parami doko kandapala namba doko Kamongo lao soo nyerami.

Matyu 15:14

Nakama lao karenale kaeyalapa. Nakamame lenge koo ingyuo karo akali lenge koo yango lapo lanyuo pelyaminyi. Lenge koo mendeme lenge koo yango lanyuo para ramo doko laparae suu mendena rukyala pao palirambi leya.

Matyu 9:36

Wambu malu rukuraka pyuo kareyaminyi dupwa mena sipisipi isingi akali yangilyasa ralo apa pimane lao saka nao pyuo karenge dopale ingyuo pyuo kareyamisa Yesumi kandapala kondome kumuya.

Jone 10:10

Waa nyingi akali dokome mee waa nyuo kokwa soo nembala epenge. Epelyaminyipape nambame nakama keta kyakana renge doko maiyuokondali pyaa epeyo.

Jone 10:12

Akali sipisipi range daa mee kanana rae maiyuo rapu pyuo karenge dokome yana suwa kararope andake nalana pingi doko epelyamo kandapala sipisipi dupwa yaki nyepala ralo penge. Dokopa yana suwa kararope andake dokome sipisipi dupwa nao rokwapala bolombalo lanyi nembo pyuo karenge.

Jone 10:8

Namba epapa nayonopa wambo epeyami dupwame waa nao kendepo nao dopale epeyamisa piya. Dopa piyaminyipa sipisipi dupwame nakamana pii doko sakami nayami.