Jeremaya 20:9 - Anatunya Buku Baepole Ole Testamene Pii Lapo dee Nuu Tesamene

⁹ Dopa pipyamo dokona nambame Kamongo kame soo kaepala banya kingi dokona laa naro lao karapunupape Kamongo embena pii pyasi doko nambana mona dokona isare ingyuo koko rao ango silyamo. Sipyasa pii doko neta nyuo laa nalana suu pyapunupape kapa kame pyuo minyaro ingya nao nambana kambu dokona neta epelyamo.

Jeremaya 20:9 Iomraidhean Croise

Jeremaya 23:29

Nambana pii doko isarena mendeke dee ama porai kana dupwa pyao longo sinjimu ingingi dopale ingyuo silyamo.

Jeremaya 23:9

Namba poropeta akali dupwana lao suu pyao mona rumbingi karo mona pupyamo walu walu lao karo. Kamongo dokomepe dee banya pii poo pyasi dokomepe namba ipwa biya napala karenge dopale inginyi pyambulyamo. Akali mende ipwa waene malu napala lao kararamuli pyuo lao karalyono.

Isikiolo 3:14

Dokopa Kamongona Imambu dokome namba minyalyuo nyepala soo peya. Banya porai renge dokome namba keta epeyamo dokopa kata jiyasa epe see napala imbu singi nyiyu.

Isikiolo 3:3

Jepala baame dopa lao, Makwa isa ingyuo kuku pyaa nare akali nambame pepa rongo pisi jilyu dake nape. Nao inginya palyape, leya. Dopa leyasa neyono dokopa lyaa pala rende piya.

Emosa 3:8

Laene juraŋa pokaramo dokopa api mendeme paka nao mona kana pokapala kararase? Kamongo Mupwa Andake Wakasa karenge dokona pii laramo dokopa apimi pii doko nyuo lakami nao kaeyarase?

Jona 1:2

Emba rapa rapa pipala taone andake Ninepa dokona pare, leya. Papala yuu dokona wambu yulu koo pyuo karaminyi laminyi doko namba sipu. Dupwa pii poraiyuo lamaiyala pare, leya.

Jona 1:3

Dopa leyamopape Jona baa Anatunya pii leyamo doko yaki nyuo soo nembapala baa yuu Tasisi dokona panya peya. Baa pao yuu Jopa dokona peya. Papala sipu wambu piso papingi mende yuu Tasisi dokona panya pyuo siyamo pao kando nyiya. Kando nyepala sipu dokona kana rangeme pyapala dokona ketae pulyuo papala akali sipu dokona yulu pingi dupwa pipya role pyao piso yuu Tasisi dokona panya peyami. Dokona Anatu baame kanda naraŋa lao suu pyao pena peya.

Luku 9:62

Dokopa Yesumi baa dopa lamaiya. Mendeme yuu apu renge masene doko minyaro karo kapu kyilyapala matarena kandara doko Anatunya isingi yulu dokona sukusa kapa karara ingya nalyamo leya.

APOSELENA YULU 17:16

Dokopa Pole nakamba epelyambipi lao Atenesa dokona isaro karo taone dokona bange Anatu kaepala kingi kareyami dupwa kaiya karo siyamo kandapako pyuo peya. Dokopa baa monarena yako lao suu piya.

APOSELENA YULU 18:5

Poleme pii boo pyao karo Juu wambu lamaiyuo pii kinyi leto lao Yesu baa Koraisa ingyuo karamo lao kareyamopa Sailasapa Timotipa yuu Masetonia karapala epo yuu doko kando nyiyambi.

APOSELENA YULU 4:20

Dokona lao nambwame angi kando siyamba dokona laa naramba ingya nalyamo leyambi.