Jeremaya 20:6 - Anatunya Buku Baepole Ole Testamene Pii Lapo dee Nuu Tesamene

⁶ Pasa emba doko embena ree palu dupwape peparae minyarapala nyepala yuu Bapilone dokona lanyuo parami. Dokona emba kumarenepa embena puu minyingi lapo kyambo malu lamaiyuo kareene dupwa pipya malu pirami.

Jeremaya 20:6 Iomraidhean Croise

Jeremaya 14:13

Dokopa nambame lao, Kamongo Mupwa Andake Wakasa, poropeta akali dupwame wambu dupwa lamaiyuo, Liti dakena yanda mende pii nao lopo see nara. Renge doko embame lalu lao lao mona kyuu lao singi renge doko iki yuu dakena seramo pisirami lapiŋi lao lao karaminyi, leyo.

Jeremaya 14:16

Wambu lapo opetae pii letaminyi doko soo karaminyi dupwa dopaleko ingyuo pyao kumakarami. Dokopa nakamana yongo dupwa yuu Jerusaleme kata barete andake dupwana nembaraminyipa wambu mendeme au pyuo nyuo malu pii narami ingyara. Doko etenge ikinyingi wanengepe wambu peparaepe dopako pirami. Nakamana yulu koo dupwana nambame yano nyuo dopa piru, leya.

Jeremaya 20:1

Dokopa purisi akali Pasa lenge akali Imana ikinyingi doko tembole anda dokona mupwa ingyuo kareyamo dokome namba pii renge dokona lao kareyono doko siya.

Jeremaya 20:4

Kamongo baa rangeme lao, Nambame emba range paka renge joo dee embena puu minyingi dupwa maiyuo pirunupa nakama peparae nakamana nyisu petenge dupwame wua gelame pyao kumakaraminyipa emba kandare, leya. Nambame Juta wambu dupwa peparae nyuo Bapilonena kiŋi akali doko keta mairunupa baa lapo karapusi ingyuo puu maiyuo nyuo banya yuu dokona lanyuo pao dee lapo pyao kumako pira, leya.

Jeremaya 23:32

Namba Kamongo dokome mende lalyane lao selapape. Poropeta lapome nakamana kombeya dupwana kyambo pii malu palyuo laminyi dupwa awa nao karo. Nakamame kombeya dupwa lamaiyuo kyambo laminyi dupwamepe dee range ketae pyambuo lakandaminyi dupwamepe nambana wambu dupwa kata kyai dokona lanyuo pelyaminyi. Nambame nakama nembo dopa pyuo laramiŋi pena lao laa nayo. Nakamame lami dokome wambu dupwa nyiso laa nalyaminyiko. Namba Kamongo dokome lapusa pilyamo.

Maeka 2:11

Akali mende dupwana papyuo poropeta karo angi mende pira ingyapyamo kando lete lao kyambo malu lao nakama keta waene biyape mee soo kakana para lapyamo poropeta doko kando wambu dupwame rae mailyaminyi.