Jeremaya 20:4 - Anatunya Buku Baepole Ole Testamene Pii Lapo dee Nuu Tesamene

⁴ Kamongo baa rangeme lao, Nambame emba range paka renge joo dee embena puu minyingi dupwa maiyuo pirunupa nakama peparae nakamana nyisu petenge dupwame wua gelame pyao kumakaraminyipa emba kandare, leya. Nambame Juta wambu dupwa peparae nyuo Bapilonena kiŋi akali doko keta mairunupa baa lapo karapusi ingyuo puu maiyuo nyuo banya yuu dokona lanyuo pao dee lapo pyao kumako pira, leya.

Jeremaya 20:4 Iomraidhean Croise

2 Kiŋi 25:7

Dokopa Setekaya baa kandako kareyamo dokopa banya ikinyingi dusipa pyao kumakayami. Dokopa kiŋi Nepukatenesame kiŋi Setekayana lenge doko lukunyi nembena leyasa nembeyami. Dopa pipala puu maiyuo minyuo yuu Bapilone dokona peyami.

Samu 73:19

Nakama waiya lao koo keta palyuo randa nao otarami.

Jeremaya 19:15

Isaraele wambunya Anatu Kamongo Porai Wakasa dokome lao, Nakama mona kana pokapala nambana pii lapunu doko see nalyaminyi dokona nambame yuu taone dakenape dee yuu taone repeta silyamo dupwanape peparae randa andake mairu lao nambame leyonoli pyuo piru letamo, leyo.

Jeremaya 20:6

Pasa emba doko embena ree palu dupwape peparae minyarapala nyepala yuu Bapilone dokona lanyuo parami. Dokona emba kumarenepa embena puu minyingi lapo kyambo malu lamaiyuo kareene dupwa pipya malu pirami.

Jeremaya 52:24

Doo piyamo dokopako Bapilone yanda singi dupwana mupwa isingi akali Nepusaratane lenge dokome purisi mupwa Seraya lenge dokope dee purisi lapo ingyuo karenge Sepanaya lenge dokope dee akali rema tembole anda dokona mupwa ingyuo karenge dusipa pipya karapusi pyao minyuo peya.

Jeremaya 52:27

Dokona yuu Bapilone kiŋi dokome nakama randa andake maipala pyao kumakana leya. Dopa pyuo Juta wambu dupwa nakamana yuu yaki nyuo karapusi pyao minyuo yuu wakale peyami.

Jeremaya 6:25

Doko namwana nyisu petenge dupwame nakamana pepona dupwa minyaro karo pyalana lao rapa rapa pyuo paka renge andake paleta namwa nyuo kako pyao karaminyi dokome namwa yuu muu wangupi dee yuu katape dupwana panya pakalyamano, leyami.

1 Samyuele 2:33

Dopa piramopape embena ree palu dokona mende lete wai pyaronopa baame purisi yulu pyakara. Pyakaramopape baa lenge koo ingyuo saka nalya nana pyuo mee isa sulu sulu karara. Embena para pyao nyerene wakale dupwa peparae randako nao kumuo parami.