Jeremaya 20:2 - Anatunya Buku Baepole Ole Testamene Pii Lapo dee Nuu Tesamene

² Sepala baame tembole anda Benjamene Kame Kambu Ketae lenge dokona repeta namba pyapala ane angapumi kiimbuo nyinya leya.

Jeremaya 20:2 Iomraidhean Croise

1 Kiŋi 22:27

Maipala dokopa nakamba lamaiyuo, Baa karapusi anda palyapala nenge borete ipwape iki maiyuo karena lare. Dopa pyuo kararaminyipa namba kapa lete eparo, leya.

Jeremaya 26:10

Dopa piyami doko Juta lita akali dupwame sepala nakamame kiŋinya anda doko yaki nyuo waiya lao tembole anda dokona papala Kame Kambu Enenge palyiyaminyi dokona isaro kareyami.

Jeremaya 26:8

Kamongo dokome namba lape lao pii peparae lamaiyunuli pyuo lao otapeyono dokopa aopa role pyapeta pyakaeyapala pii poraiyuo kaeyo lao, Emba doo letene dokona pyao kumakapengele, leyami.

Jeremaya 36:26

See napala baame kiŋinya ikinyingi Jeramelemoo Aserelena ikinyingi Serayamoo role pyapeta dee Apetelena ikinyingi Selemayamoome namba poropeta akali Jeremayapa nambana pepa pyakamingi akali Baruku opetaeko puu maiyuo nyela pena leya, Dopa leyamopape Kamongome nambwa nyuo yalu piya.

Jeremaya 37:13

Dopa piyamopape namba Benjamenena Kame Kambu dokona pao pyaka siyunu dokopa yanda singi dupwana mupwa doko yulu paleyande baa dokona yulu pyuo kareya. Doo kareyamo akali doko kingi Irinja lenge akali Selemayana ikinyingi Ananayana kauwange dokome namba kata pasi pipala piso soo lao, Emba dae yaki nyuo Bapilone wambu pipya konda pela pelese? leya.

Jeremaya 37:21

Dokona lao kiŋi Setekayame namba kiŋinya yanda singi panda dokona pao karapala kii palyinya leyamo kareyo dokopa nenge borete kiso wasingi anda dokona kunjasi mendaki larapu yuu gii mendakinya lao joo kareyaminyi pao yuu taone dokona nenge borete dupwa oteya.

Matyu 21:35

Dokona peyaminyipa akali ee kando kareyaminyi dusipame yulu pingi akali dusipa nyuo yoko lapala mendali pyaroko pyao mendali pyao kumakao mendali kaname pyao piyami.

APOSELENA YULU 4:3

Imbwuapala nakamba puu maiyapala lanyuo pao yuu kwuayasa rakya kambuyanda pyuo larama lao karapusi anda dokona mee pyambuyami.

APOSELENA YULU 5:18

aposele dupwa puu maipala karapusi anda mee wambu pyambungi dokona pyambuyami.

APOSELENA YULU 5:40

Dopa leyamo dokopa nakama banya pii soo rape rape lao karo aposele dupwa epena lapala pyaroko pyapala Yesunya kingi doko laa nana lao lamaiyuokondali piyami. Dopa pipala mokoyami.

APOSELENA YULU 7:52

Anatunya poropeta akali dupwa kareyami dokona anjukunya mende nakamana rakange dupwame lekeleke rena lao laa nayamisi? Yulu rolae pingi akali doko epara lao wambo wai nembo kareyami dupwa nakamana rakange dupwame pyao kumakapa piyami. Enakana yulu rolae pingi doko epara leyami doko epeyamo dokopa nakamame mata kando lapala pyao kumakayamipya kande.

Orepalaisane 17:6

Enda dokome Anatunya wambu Yesu yaki nyii nao baa reke lao kumuyami dupwana ranjama napala kyakao peteyamo kandeyo. Kandapala nambame yamaranguyu.

Orepalaisane 2:10

Randa eparamo dupwana paka nalapape. Imambu koo baame nakama makande pyuo karapusi anda dokona nyuo pyambwaramopa yuu gii akalisa randa nao palirami. Nakama kapa kumarama lao suu pyapala mona kumapala kaeya nao pyuoko kararami ramo nambame kyawa rarange letena renge palenge doko nakama keta rombo palyuo jero.