Jeremaya 20:18 - Anatunya Buku Baepole Ole Testamene Pii Lapo dee Nuu Tesamene

¹⁸ Namba akipamo mandeyamisi? Randa nyuo mona rando elya paleta karo kumare lao mandeyamisi?

Jeremaya 20:18 Iomraidhean Croise

1 Kiŋi 19:4

Ilainja yuu gii mendaki yuu muiyane mendena kata pao kareya. Pao karo isa renge rau leya mendena imambu soo peteya. Piso dokopa baa kumuowane lao suu piya. Pyapala baame ateŋa lao, Kamongo namba keta kenda palamo. Namba kumaro doko kapaŋa. Nambana lete karenge doko nyepe, leya.

Jopo 14:1

Jopome leya. Namwa endagimi manjisi porai ingya nalyamo dupwa yuu gii malu kararamo ingya nalyamopa randa doko simbwaro sipyamo karamano.

Jopo 14:13

Anatu embame namba luu luu kumuo puu lapala yaki nyuo kaepili yaka. Dopa pipala embena imbu singi doko otaramopa namba dee suu pyaro lao yuu gii mende nyipili yaka.

Jopo 3:20

Akipamo akali dupwa mona randaminyipa mee lete karena lao kaelese? Ingi randa sakame kumaminyipa akipamo yuu gii mende apeto mailisi?

Jopo 5:7

Wambu rangeme isare ingyuo ango karo randa nyingi.

Samu 69:19

Nambana kingi doko kokwa soo lao koo keta palyamisa elya nyilyu doko emba silini. Embame nambana yanda pimwai dupwa peparae kandasi karene.

Aisaya 1:6

Embena yanenge peparae mendasa iki sepa nao kwaelyamo. Mendasa yaki pyuo umbwa pyuo nyisi kara nalyaminyi, leya.

Jeremaya 15:10

Namba keta rae maingi renge pali nalyamo doko aki akalinde karose? Akipamo nambana anyi dokome isa yuu dakena manjo nyiyase? Nambame yuu dakena wambu peparae kando laiya lao apiyanda pyuoko kararolyamo. Nambame kana lapo kyanju pyao nyakamyuope dee nambame lapo mainyi palyuowape pii nangeko. Doŋo wambu peparaeme namba koo keta palyuo letaminyi.

Jeremaya 15:18

Namba akipamo mee randa nyuoko karose? Akipamo nambana monarena rete dupwa umbwa pii nalyase? Akipamo umbwa pii nalyase? Panyi pipala ipwa epenge sokolyasa nalana lisa pingi. Nambame embapa dopale ingyuo suu pyao karalase lao pilisi?

Apakuku 1:3

Akipamo namba randa dupwanako lenge lenge rao kara, letese? Embame dee apa pyuo koo dupwa pyuo karena lapala mee kando karese? Pyao kokwa singi yulupi randa dupwape namba karapu dokona minyuo buale minyuo laiya lao pyakando pyuo epelyaminyi.

Jone 16:20

Kinyi kinyi langilyu, nakama ee lao ipwakuku nyeraminyipa neta wambu dupwame rae maiyuo kararami. Nakama kondo kararaminyipape enakana raeko maiyuo kararami.

APOSELENA YULU 5:41

Dokopa aposele dupwa wato lenge anda doko yaki nyepala pao dokopa Yesunya kingi dokona reke lao moŋo nyimwasa pilyamo lao suu pyapala ama rae maiyuo anda peyami.

2 Timoti 1:12

Renge dokona lao namba keta randa nyilyu. Randa nyipunupape namba dokona lao elya nalyo. Nambame akali kapa ingingi lao suu pyao karo doko range silyu. Yuu gii mupwa ene pyaka sepa naramopa yulu piri lao rombo palyakaya dokona minyuo pyuo kararo dokopa kyawa minyuo karara.

Ipuru 10:36

Anatu laramuli pyuo maka nao waa waa lao pyuo kararami ramo doko baa yole jeroŋo laa lasaka piyamo dupwa nyerami ingilyamo.

Ipuru 11:36

Nakama nyepala kilya kando lao pyarako pyao kiimbwapala karapusi anda pyambuyami.

Ipuru 12:2

Yesumi namwana Kurisene kata doko wapwakapala namwa dokonako lanyuo puu para doko baa kandaro soo monale. Baame isa mamando nyerolyamo lapala kaeyande daa. Enakana rae maiyuo kararo lao suu pyapala baa elya napala isa mamando dokona mona kuki palyuo peya. Dopa pyuo piyamopa Anatumi baa nyuo ketae pyambwapala banya kingi rolae dorena pisapyamopa epapu petamo.

Ipuru 13:13

Dokona lao taone netarena baa karamo mare dokona papala baa elya nyiyamuli pyuo nyuo karamanale.