Jeremaya 2:30 - Anatunya Buku Baepole Ole Testamene Pii Lapo dee Nuu Tesamene

³⁰ Nambame nakama mana langyuo pyalana pipunupape dokome nakama nyiso rola nalyamo. Nambame nakama kata rolae lasaka pyuo dopa pii dapa lao langi laa nalyaminyi. Mena laene gasimwa pokapala nenge nenge manjo pii lenge dopale ingyuo nakamame nakamana poropeta dupwa pyao kumuyami.

Jeremaya 2:30 Iomraidhean Croise

1 Kiŋi 19:10

Ilainjame isingi lao, Kamongo Anatu Porai Wakasa, namba embena yulu keyange pyakange kandale. Dopa pipunupape Isaraele wambu dupwame embena poropeta dupwa pyao kumakao embena tembole andana kiso maingi kana pyare lasi dupwa lalyinyi nembo dee embapa lao pii kana minyuo lalu lao leyaminyi doko kokwa soo pimi dokona namba yeelyo karapunupa pyao kumakamwali lao suu pilyaminyi, leya.

1 Kiŋi 19:14

Ilainjame isingi lao, Kamongo Anatu Porai Wakasa, namba embena yulu iki pyakange kandale. Dopa pipunupape Isaraele wambu dupwame embena poropeta dupwa pyao kumakao embena tembole andana kiso maingi kana pyare lasi dupwa lalyinyi nembo dee embapa lao pii kana minyuo lalu lao leyami doko kokwa soo pimi dokona namba yeelyo karapunupa pyao kumakamwali lao suu pilyaminyi, leya.

Niyamaya 9:26

Dopa piinyipape embena wambu dupwame emba kando kamba lao embena Mawa Pii dupwa yalo kareyami. Nakama emba keta kapu kyuo epena lao repe repe lao kareyami poropeta akali dupwa pyao kumakayami. Nakamame emba kando yuu yangama yangama lao kilya kando lao kareyami.

Aisaya 1:5

Isaraele akipamo embame yanda pimwaiyuo puu pelepe. Emba dee kamba yasu kee letepe? Isaraele embena kyawa dorena wua kakupi nyuo pisapala mona suu pingipi dorena kumapyamo karene.

Jeremaya 31:18

Isaraele wambu dupwa mona randame kumuo laminyi doko namba silyu. Kamongo namwa mena kali rae lenge mona kana pokonge dopale ingyuo kareyama. Dopa piyamanopape namwa kamba lao nao warombo selapa lao mana langii kande. Emba Kamongo, namwana Anatu. Namwa emba keta lanyuo ipupi. Dokopa kapu kyuo emba karene dokona epanya epelyamano.

Jeremaya 7:28

Embame nakama lamaiyuo, Nakamana rara dupwame nakamana Kamongo Anatu doko namba kando warombo see nao dee nakamana randa epeyamo dupwana mana nyuo kando soo gisa nangeko lare. Anatu kando mondo lao suu pingi doko kumuo pelyamo. Nakamame renge doko dee arome pyao see narami ingilyamo, lare leya.

Daniele 9:13

Mosesena lowa dokona randa nyerami lao lapyamo dusipa pepare namwa jii. Jiinyipape kamame epapu Kamongo Anatu namwana koo dupwa yaki nyuo panda embena pii kinyi angi dokona moko minyuo pao emba rae mainyi pyambwalana lao suu pyaa nayama.

Matyu 23:29

Mawa Pii mana lenge akalipi Parisi akalipi yanengena mamba kiso lao karenge dupwa nakama randa narami ingilyamo. Nakamame Anatunya poropeta akali dupwana malu anda pyuo wasakamyuo yulu rolae pyuo karenge wambu dupwana malu anda ketae dokona kana sulu singi doko mondo koo lao kalya pyuo karenge.

APOSELENA YULU 7:52

Anatunya poropeta akali dupwa kareyami dokona anjukunya mende nakamana rakange dupwame lekeleke rena lao laa nayamisi? Yulu rolae pingi akali doko epara lao wambo wai nembo kareyami dupwa nakamana rakange dupwame pyao kumakapa piyami. Enakana yulu rolae pingi doko epara leyami doko epeyamo dokopa nakamame mata kando lapala pyao kumakayamipya kande.

1 Tesalonaika 2:15

Juu dupwame Kamongo Yesupi poropeta akali dupwape pyao kumakapala namwa randa jiyami. Randa jiyamisa Anatumi nakama kando epekanda nalyamo. Nakamame wambu peparae yanda pimwaiyuo karaminyi.

Orepalaisane 16:9

Neta isare ingyuo rao alyasi dokome akali dupwa rao raukusi reya. Rao raukusi rapalape Anatu baa randa koo dopale wambu keta mee kapa mairali doko kando kilya kando leyami. Lapala nakamba mona kapu kyuo banya kingi dokona lakandao lao pii nayami.