Jeremaya 2:26 - Anatunya Buku Baepole Ole Testamene Pii Lapo dee Nuu Tesamene

²⁶ Kamongo dokome lao, Waa nyingi akali doko minyaro nyepala kando lenge dokopa baa pakao elyange. Doko suu pyao nakama Isaraele wambu peparae elyame kumarami. Nakamana kiŋipi akali mupwa dupwape purisi dupwape poropeta dupwape peparae elyame kumarami.

Jeremaya 2:26 Iomraidhean Croise

Aisaya 1:29

Dopa piramo dokopa isako waingi kemali pingi lapo wara pipalape isa renge kemali pingi laponape moname nyinyi nembo kingi lao petenge lamo dupwa yamarangyuo yaki nyuo kaeyarami ingilyamo, leya.

Aisaya 44:11

Mendeme mona maiyuo kingi wapambupi lakao lao pisarami dupwa mee elya nyerami ingilyamo. Isa kana dopa pyuo wasarami wambu dupwa mee isa wambu ingyapala renge mende pali nalyamo. Nakama kote dokona nyuo epena lao panda maiyuo laramanopa randa nyuo pako elya nyinyale.

Aisaya 44:9

Wambu isa kanape kingimi imambuŋu lao wasilyaminyi dupwa keyange angi ingya nalyamopa mee bange anatuŋu lao mange karelyaminyi dupwa mee ingyuo para ingilyamo. Wambu dupwame anatuŋu lao mona maiyuo lakandelyaminyi dupwa lenge kwaeyo sepa napala letaminyi dokona elya nyerami ingilyamo.

Jeremaya 2:36

Pamuku enda kepo pyuo papingi doko suu pyao nakamana suu pingi alowa pilya pyana pyuo kata wakale wakale pelyaminyi. Dokona Asiria wambu dupwame nakama nyisa nayami. Dopaleko ingyuo Isipi wambu dupwame nakama nyisa naramiko ingyaramopa nakama mona randarami.

Orome 6:21

Nakama suu pyalapape. Yulu koo dokore dakepa pipala elyange dokona wamba piyami dokopa aki keyange mende epeyase? Kumunginya renge doko epeya.