Jeremaya 2:19 - Anatunya Buku Baepole Ole Testamene Pii Lapo dee Nuu Tesamene

¹⁹ Nakama rangena koo dokome nakama randa jera. Dee nakamame namba mata jiyami dokome koo ingyuo karaminyi lao lasaka pirasa pira. Dopa piramo dokopa nakamana Kamongo Anatu namba doko yaki nyuo kaeyamo doko yulu ama koo wakasa lao soo nyerami. Namba Kamongo Mupwa Andake Wakasa Ama Porai dokome lapunu pilyamo.

Jeremaya 2:19 Iomraidhean Croise

1 Kiŋi 18:18

Dokopa Ilainjame isingi lao, Nambame randa epena lao pii nange, leya. Embapa embena rakanepa yuu Isaraele dokona randa palyuo karambinyi. Emba mee bange anatu lao kingimi wasingi Bealo doko lakandapala Kamongona mawa pii dupwana kamba lao karene, leya.

Ekesetase 33:6

Leyamo dokona lao nakama yuu kyau Sainai yaki nyuo papeyaminyi dokopa Isaraele wambu dupwa kalya pingi bange dupwa pyuo kara nayami.

Poropepe 1:31

Dopa pyuo karo koo piminyi dokona lao koo doko nakama keta epara ingilyamo.

Poropepe 1:32

See nange wambu dupwa mona palenge ingyuo kara namwali lao suu pyapala kumasi ingyuo karaminyi. Wambu angi rolae suu pyaa nao mee male male lao kopyali ingyuo palyuo karo pingi dupwa kwaeyo paramisa pira.

Aisaya 5:5

Nambame piru doko dapa pyuo pirunu kandalapale. Doko kame maronge dupwa lalyuo asu pinyi nembapala kame angi suwa menape kame piro karena lao piyu dupwa lalyinyi nembo mena rakaiye wii saape kame lalyuo nyuo pirunupa nao mena gulungalu lao karenale.

Aisaya 50:1

Kamongo dokome lao Nakamame suu pyaminyi dokopa akalimi enda ramanyi nembenge dopale ingyuo nambame nambana wambu dupwa neta ramanyi nembo kaeŋe lao suu pilyamisi? Dopa pyuo suu pyarami ramo ramanyi nembelyo lao pepa piyunu angi doko anja silyase? Akali mendeme banya wane dupwa karapusi ingyuo yulu pyuo pena lao maiyuo kana nyingi dopale ingyuo nambame nakama karapusi ingyuo pupwa lapala maiyuo bange nyiiŋi lao suu pilyamisi? Daa nakama karapusi ingyuo peyami doko nakama rangeme koo pipala lowa yalo piyaminyi dokona peyamisa piya.

Jeremaya 1:16

Nambana wambu dupwame yulu koo pyuo namba kame sepala yaki nyilyaminyi dokona nambame nakama randa mairu. Nakamame anatu wakale dupwa mena pyao kiso mailyaminyi dee mee bange anatu lao kingimi wasapala lakandelyaminyi.

Jeremaya 2:17

Nambame nakama Isaraele wambunya kata wapwakao pupunu dokopa nakamame namba nakamana Kamongo Anatu doko kame soo yaki nyiyami dokome randa dake nakama range keta nyilyaminyi.

Jeremaya 7:19

Dopa piminyipape namba rolae angi doko randa jilyamisi? Daa nakama range keta randa nyuo dee elya renge nakama rangeme nyilyaminyiko.

Osia 11:7

Nakama namba mata julu jooko jilyaminyi. Dee nakama keta kenda silyamo dokome ee lao kararaminyipape mendeme nakama kiiramo minyalyuo nyii nara.

Osia 13:9

Isaraele wambu dupwa nambame pyao kokwa sero dokopa apimi nakama nyisarase?

Osia 14:1

Isaraele wambu dupwa nakamana Kamongo Anatu karamo dokona kapu kyuo pupwape. Nakamana koo dupwame nakama lukumakapala pao palimi kandape.

Osia 4:16

Nakama mena ingyuo Isaraele wambu dupwa mona kana pokolyaminyi. Dokona lao sipisipi ikyane dupwa rambi andelyamo nenge dopale ingyuo nambame nakama apa pyuo nenge pirusi?

Osia 5:5

Isaraele wambunya range mupwa karamano lao suu pingi renge dokome nakamana lenge kambu dokona epo panelyamo. Dokopa nakamana koo dokome pyalya minyapyasa lukuma sepala isa puminyi dokona Juta wambu dupwa pale pale pelyaminyi.

Emosa 8:10

Nambame nakamana kanape ee kanape minyuo nenge yaowa nao mali lyuo pingi dupwa alowa pyuo wambu malu pyuo kumanda piso pingi yuu gii dokore ingyuo retakaro. Dopa pyuo rae maiyuo kenane pingi kenane dupwa alowa pyuo mona rando ee lenge yuu gii inginyi pyambwakaro. Enda akalipa wane mendaki iki doko nembarala piso ee palelyamo lengenyili pyuo larami. Dopa pyuo endangipa rakangepa kyawasi rokapala kumanda piso wapungi bange dupwa nyuo yanenge yambe pyao wapuo petengenyili pyuo pirami. Yuu gii dusipa kwao nyiki nyiki piramoko karo paraminyipa lumwa pira.

Maeka 1:5

Yulu dopa piramo renge doko Isaraele wambu dupwame Anatu kando koo pyuo kamba lao karaminyi dokona ingyuo pira. Isaraele wambumi kamba lami dokona apinya rengendena pilyamo laramisi? Samaria wambu keta palamo. Api mendeme yuu Juta dokona mee bange anatu lao lakando koo pyuo karase? Jerusaleme wambu dupwame koo doko pilyaminyi.

Orome 3:18

Anatu kamame wakasa lao mona nembo kara nalyaminyi.