Jeremaya 18:8 - Anatunya Buku Baepole Ole Testamene Pii Lapo dee Nuu Tesamene

⁸ wambu dupwana suu pingi yulu koope dupwa mata maiyuo kaeyarami ramo dokopa namba laro dokona palya nao alowa pyuo kaeyaro, leya.

Jeremaya 18:8 Iomraidhean Croise

Samu 90:13

Yuu gii akipare embena imbu singi doko mee serase? O Kamongo, embena kendemande dupwa kando sakao karape.

Ekesetase 32:12

Isipi wambu dupwame dopa lao, Embena wambu yuu Isipi yaki nyuo lanyuo pee dupwa yuu kyau dokona pyao kumuo kokwa soo nembalu nembo nembalana lanyuo pee lyamo lao akipamo laramisi? Dokona imbwa nao embena suu pingi alowa pipala embena wambu dupwa keta randa doko mai napipi.

Ekesetase 32:14

Leyamosa Kamongo dokome banya wambu dupwa randa maiyuo pyalana suu piyamo doko alowa pipala pyaa naya.

Jeremaya 15:6

Wambu nakamame namba yaki nyuo kaeyo mata jiminyi dokona nambana imbu singi doko kame pyuo minyuo makapu dokome nambana kingi pyasinju lapala nakama pyao kokwa sinyi nembapu.

Jeremaya 26:13

Nakama palyuo karo pilyaminyi kata dupwape dee pilyaminyi dupwape alowa pipwape. Pipala nakamana Kamongo Anatu dokona pii laramuli pyuo kamba laa nao pipwape. Dopa pirami ramo dokopa baame randa mende peyo pyao kokwa sero leyamo doko alowa pipala kaeyara.

Jeremaya 26:19

Lapala kiŋi Esakayamoo Juta wambu dupwapeme akali Maeka baa pyao kumaka nayami. Pyao kumakapenge doko suu pyao akali Esekayame Kamongo doko pakapala baame Kamongo rae mairali yulu lapo piya. Dopa piyasa Kamongo dokome nakama keta randa mairu leyamo doko nyuo alowa pipala kaeya. Dokona epapu namwa rangeme randa ama koo andake nyelana minji nanji pilyamano.

Jeremaya 26:3

Wambu dupwame pii doko sepala nakamana yulu koo dupwa kame soo yaki nyerami rapisi. Nakamana yulu koo dupwa peparaena nambame nakama keta randa mairu lao rapa rapa piyu doko nambana suu pingi alowa pyuo kaeyaro.

Jeremaya 36:3

Mende dee Juta wambu dupwa keta randa peparae nambame mairu lao lao reteyo doko sepala nakama koo pyuo kata koona pelyaminyi dupwa yaki nyuo kaeyaramiko rapisi. Dokopa nakamana yulu kopetame pilyaminyi dupwape dee koo pilyaminyi dupwape nambame nyuo kame sakamiru.

Isikiolo 18:21

Akali yulu koo pyuo karara mendeme koo yaki nyuo kaepala nambana mawa pii dupwa minyuo dee rolae pira ramo doko baa kuma nara. Baa mee lete karara.

Isikiolo 33:11

Namba Kamongo Mupwa Andake Wakasa doko Anatu karalu karene dokome nambame kinyi leto. Akali mende koo pyuo karo kumara ramo doko rae maiyuo kanda naro. Baa koo dupwa yaki nyepala karalu kararamo kandapuli yaka. Isaraele wambu dupwame koo pilyaminyi doko yaki nyuo kaeyalapape. Akipamo nakamba kumalana suu pilyamisi?

Isikiolo 33:12

Dakepa makwa isa ingyuo karo kuku pyaa nare akali doko embame Isaraele wambu dupwa dapa lamaipi. Akali mendeme yulu keyange pyuo karapala enakana koo pira ramo doko wambo keyange pyuo karara dokome baa kyawa minya nara. Koo pyuo karenge dokona mendeme koo doko mata maiyuo kaeyara ramo doko baa range kyawa lete nyerasa pira. Dee akali keyange pingi mende yaki nyepala kanda soo koo pira ramo doko baa lete paa nara.

Isikiolo 33:13

Nambame akali rolae pingi doko lete karara lao lalu lao laronopape baa wambo keyange pyuo kaepala karoŋo dusipa kapa lapala koo lapo pira ramo doko wambo keyange piyamo dupwa yaka lakamirunde daa. Baa rangena koo dokona kumara dokona karara ingilyamo.

Isikiolo 33:14

Nambame akali koo pingi doko baa kumaralyamo lao repe repe lamaingi. Lamairunupape baa koo rangeme dupwa sepala yaki nyuo rolae doko anjuku lao nyuo pira ramo doko kapa ingyara.

Osia 11:8

Isaraele wambu dupwa nambame nakama apa pyuo yaki nyuo kame soo kaeyarose? Yuu taone Atama Sepoimipa pyao kokwa siyunuli pyuo nakama pyarose? Namba nakama mona retapu doko mee ketae ketae reta nange dokona nakama pyaro ingya nalyamo.

Emosa 5:15

Yulu koo dupwa epe kanda nao karapala yulu rolae dupwana mona nyuo pyuo karalapape. Nakamame kote pii dupwa rolae angi dokona palyuo lao karalapape. Dopa pyuo kararami ramo dokopa Kamongo dokome nakamana rara dokona mee kyaka petaminyi dupwa sakame kumuo karara rapisi.

Jona 4:2

Dokopa Kamongo lao loma soo dopa leya. Namba ene anda yaki nyelana dokopa dake dopa piri lao laa nayope? lao Kamongo doko piso siya. Renge dokona namba kaepala yuu Tasisi dokona panya peyo, leya. Embame Anatu waa waa lao kondome wakasa kumungi doko namba siyu. Yuu peparae emba keta renge keyange dupwa ipyali lao enda akalipi dupwa anjiki pyuo mona reto karenge. Dee yuu peparae embena suu pingi alowa pyuo randa mairu lenge doko kaenge kandape leya.

Dutaronome 32:36

Kamongo banya wambu dupwa rale male lapala poraiyapa naramo kararaminyi dokopa koo dupwa neta rekya lanyi nembo nyera. Banya yulu pingi dupwa iki ingyuo saka nao karelyaminyi kandapala dokopa sakame kumuo nyisara.

Jasi 2:18

Lita akali dupwa lete kareyaminyi yuu gii dokopa Kamongome yanda pimwai dupwame wambu dupwa pyao anamasi minya nana lapala nyiso karapa piya. Dopa pyuo dokopa wambu dupwa randa nyuo mona kendo pisipala Kamongo doko kando ee leyaminyisa dokona Kamongome nakama kondo sakame kumuo karapa piya.