Jeremaya 18:21 - Anatunya Buku Baepole Ole Testamene Pii Lapo dee Nuu Tesamene

²¹ Dopa pyuo karakamyuo kande doko kaepala dakepa nambapa koo pilyaminyi dokona Kamongo embame nakamana wane wanakepe dupwa lopanyi nembapala kumanyi nembape. Yanda dupwana angi nyuo suu lape. Enda dupwana ikinyingi akalingipi kumanyi nembakamipi. Wanyane akali dupwa yandana nyuo papala kumaraminyipa andapae dupwa anga yakane kapape kisapala kumunyale.

Jeremaya 18:21 Iomraidhean Croise

Samu 63:10

Nakamame yanda pipala pyaraminyipa nakamana yanenge kakapange doko suwa rae lenge dupwame nao kararami.

Samu 63:11

Anatumi pyao anamasi minyakamira dokona kiŋi baa rae maira. Wambu Anatupa pii kana minyuo lengedupwame banya kingi lakandaraminyipa kyambo lenge wambu dupwa pii pali naramo parami.

Jeremaya 14:16

Wambu lapo opetae pii letaminyi doko soo karaminyi dupwa dopaleko ingyuo pyao kumakarami. Dokopa nakamana yongo dupwa yuu Jerusaleme kata barete andake dupwana nembaraminyipa wambu mendeme au pyuo nyuo malu pii narami ingyara. Doko etenge ikinyingi wanengepe wambu peparaepe dopako pirami. Nakamana yulu koo dupwana nambame yano nyuo dopa piru, leya.

Jeremaya 15:7

Yuu taone peparaena nambame nakama kalendakuna porakana pyao nembele lao nakama nambana wambu dupwa kokwa sinyi nembeyo. Nakamana yulu koo pingi karo doko yaki nyuo kaeya nao minyaro siyaminyi dokona nambame nakamana wane wanake dupwa opetae pyao kumakayo.

Jeremaya 15:8

Nakama rangena yuu dokona enda waiya dupwa ipwa kota kee kana dupwa manda manja nao kamame wakasa petaminyi. Nambame nakamana wane parange andengena dupwa pyao kumakapala endangi dupwa mona rumbingi petena lao piyu kande. Aopa nambame nakama keta yuu mendaki paka rengepe mona randange rengepe paleta epo piyu.

Jeremaya 9:21

Kumungi renge doko namwana windowa kata dokona kolando epelyamo. Epo namwana kiŋinya anda kambu dokona epelyamo. Epapala yuu taone kata barete andake dupwana wane wanakepe karaminyi dupwa pyao nyilyamo. Dee makete yuu dupwana akali parange karaminyi dupwa epo pyao nyilyamoko.

Emosa 4:10

Yuu Isipi dokona kumaro anga peyono dopale ingyuo nakama nakamana yuupi kwuanyi nembeyoli pyuo peyapu yanda piyami dokopa nakamana wanyane akali dupwa wua gela dokome pyao kumakayo. Dopa pipala mena ose dupwa neta nyuo nembo piyunupa nakama yanda kama kareyami dokona wambu nakamana wambu kumasi dokona gyaa kata dokona nenenge ai pyanyi pyambwakayo. Dopa piyunupape nakama namba keta kapu kyuo epa nayamiko, leya.

Dutaronome 32:25

Yanda andake sipurarasa wambu dupwa kata barete dupwana pyasi serami. Anda dupwana yamarangusi sepala kumarami. Dopa piramo dokopa mapwae parangepe dupwa kumarami. Wane nyaŋa dee alemope peparae popo paa nao kumarami.

2 Timoti 4:14

Ane kapa wasingi akali Alekesanda dokome namba randa andake jiya. Baa apa pyuo piya lao Kamongome yano pyara.

1 Samyuele 15:33

Kareyamo dokopa Samyueleme dopa lamaiyuo, Embena wua gela dokome enda malunya nyaŋa pyao kumapi dokona endangi dupwa wane manji nange ingyuo petaminyi doko suu pyao emba epapu kumare dokopa embena endangi doko wane manji nangeko ingyara. Lapala yuu Gilikale dokona bange kiso maingi kana pyare repeta dokona Akake poko pyao lamalya lomana piya.