Jeremaya 18:19 - Anatunya Buku Baepole Ole Testamene Pii Lapo dee Nuu Tesamene

¹⁹ Dokona lao nambame ateŋa lao dokopa dopa leyo. O Kamongo, embame nambana pii kale yukupala soo dokopa nambana yanda pimwai dupwame namba randa jinya letaminyi doko soo karakape.

Jeremaya 18:19 Iomraidhean Croise

2 Kiŋi 19:16

Epapu Kamongo namwa keta mende pilyamo doko kandape. Kamongo emba lete karenge doko kando akali Senakeripi dokome kilya kando letamo pii dupwa peparae sepe.

Jeremaya 18:18

Sepala dokopa wambu dupwame lao, Jeremaya randa maiyuo pyao ralinyi nembamanale, leyami. Lapala dee lao purisi akali lowa mana lengepe dopa pipa dapa pipa lao mana langingi akalipi poropeta akali pii nolako lenge dusipa lao karalu kararami. Dokona lao Jeremaya banya pii laramo doko sakame naramaŋa randa maiyuo kote lamanale, leyami.

Jeremaya 18:20

Mendeme keyange piramo dokona koo dokome yole mairaminyi kapase? Dopa piraminyi kapa ingya napyamopape rakaya palena lao kyuwa kyasingi dopale ingyuo namba randa jinya suu pyami. Wamba dokopa Kamongo embame nakama imbu singi nyii napili lapala nakamana lao langyala epeyo kande.

Jeremaya 20:12

Dopa piraminyipape Kamongo Porai Wakasa embame wambu peparae rolae dokona makande pyuo kandenge. Nakamana mona kyawa sisingipi dupwana aki palamo doko embame soo oto karapinyi pilyamo. Dokona nambana randa dupwa embena kingi raka dokona palyilyu. Dokona nambame nyisu petenge dupwa pipya moŋo maiya kare doko kandarowale.

Maeka 7:8

Namwana yanda pimwai dupwame renge mende pali naramopa namwa kilya kando gilya giyana pyuo rae maiya nalapape. Namwa koo keta papalape dee keyange keta palirama ingilyamo. Dopako pyuo namwa dakepa iminjingi dokona karamano doko Kamongo dokome yanga paupau lenge renge jera.