Jeremaya 18:18 - Anatunya Buku Baepole Ole Testamene Pii Lapo dee Nuu Tesamene

¹⁸ Sepala dokopa wambu dupwame lao, Jeremaya randa maiyuo pyao ralinyi nembamanale, leyami. Lapala dee lao purisi akali lowa mana lengepe dopa pipa dapa pipa lao mana langingi akalipi poropeta akali pii nolako lenge dusipa lao karalu kararami. Dokona lao Jeremaya banya pii laramo doko sakame naramaŋa randa maiyuo kote lamanale, leyami.

Jeremaya 18:18 Iomraidhean Croise

2 Samyuele 15:31

Dokopa akali Ayitopele doko akali Epesalome dokome Dapitinya kiŋinya yulu isa nembalana leyamo dokona rae mailyamo lao lamaiyaminyi Dapiti siya. Sepala baame ateŋa lao lao, Kamongo, akali Ayitopele pii dopa pinya dapa pinya laramo dupwa kopyali ingyuo pena lao kyawa sisingi bolombalo lanyi nembape, leya.

2 Samyuele 17:14

Akali Epesalomemoo dee Isaraele akali peparae dupwame lao, Akali Ayitopelena pii doko keyange ingyapyamopape akali Asainya doko ama keyangelyamo, leyami. Kamongome akali Ayitopelena pii keyange doko minyuo pii narami dokopa randa andake doko akali Epesalome keta epara lao soo nyiya.

1 Kiŋi 22:24

Leyamo dokopa poropeta akali Setekaya doko Maekaya kareya dokona papala Maekayana lenge kambu dokona rakyuo pyao lao, Kamongona Imambu dokome namba yaki nyuo epo apa pyuo emba pii kanda soo langilyase? leya.

Aisaya 32:7

Wambu mona pali nange kopyali dokome yulu kopetame dupwako pingi. Baame wambu pendewa dupwa kando kyambo panga soo pii lapo lamaipala koo ingyuo kokwa sinyi nembalana lao pyuo dee bange angi rolae nyeramili dupwa nyii nana lao kata rokwamingi.

Jeremaya 18:11

Dokona lao embame Juta wambupi Jerusaleme palaminyi dupwape randa mainya pipunu dokona dakepa oo randa mainya rapa rapa pyuo kaelyo letamo lao lamaipala koo pilyaminyi dupwa yaki nyuo kata koo papilyaminyi dupwa alowa pyuo kaena lao lamaipi, leya.

Jeremaya 18:19

Dokona lao nambame ateŋa lao dokopa dopa leyo. O Kamongo, embame nambana pii kale yukupala soo dokopa nambana yanda pimwai dupwame namba randa jinya letaminyi doko soo karakape.

Jeremaya 2:8

Purisi dupwame Kamongo anja karase? lao piso see nayami. Namba rangena purisi dupwame namba soo nyii nayami. Akali mupwa dupwame nambamoo pipya mona kana pokoyami. Poropeta dupwame mee bange kingimi wasisi Bealo lenge dokona lao poropeta pii leyami dee mee bange angi mende ingya nayamo dupwana kingi lao peyami.

Jeremaya 20:10

Namba sipunu dokopa wambu peparaeme isa isa paeyo lao, Yuu peparaena paka renge dokonako maipilyamoŋo, letaminyi. Gapomane akali dupwa banya lao lamaimanale. Dopako pyuo nambana puu minyingi angi dupwame namba koo keta palepe lao kandaro karaminyi. Nakamame lao, Mendeme baa alyikilyi pyuo nyuo iso kota nembara dokopa namwame baa minyarapala moŋo mairama, letaminyi.

Jeremaya 26:11

Gii dokopa purisi akalipi poropeta akalipi dupwame lita akalipi dee wambu dupwape kando lamaiyuo lao, Akali dakeme yasu kee lao namwana yuu taone doko kando koo inginyi nembo pulyuo letamo dokona baa randa maiyuo piso soo kote lao pyao kumarami ingilyamo. Dokona pii lapyamo dupwa nakama rangena kale dokome rolae simi kandapi, leyami.

Jeremaya 37:13

Dopa piyamopape namba Benjamenena Kame Kambu dokona pao pyaka siyunu dokopa yanda singi dupwana mupwa doko yulu paleyande baa dokona yulu pyuo kareya. Doo kareyamo akali doko kingi Irinja lenge akali Selemayana ikinyingi Ananayana kauwange dokome namba kata pasi pipala piso soo lao, Emba dae yaki nyuo Bapilone wambu pipya konda pela pelese? leya.

Maeka 3:6

Nakama dopa pyuo nambana wambu kando rapu pyaka nao kata koo lasaka pyakao karaminyi. Dokona nakama keta ene piramo dupwana pii repa repa pyuo kanda narami dee nakamame yulu dopa pira ingilyamo laope kapa laa narami. Poropeta dupwa nakamana yuu gii doko repe otelyamo. Nakamana yulu isa pao kaepyamo karaminyi.

Maeka 3:7

Poropeta mendasipa ene mende pira larami doko pii naramosa dokona elya nyerami. Nakama peparae Anatumi isingi mende kotaraminyi doko mai narasa kopyali ingyuo saka narami, leya Maekame.

Malakae 2:7

Purisi dupwana yulu doko Anatunya rolae soo nyinginya renge doko wambu mana lamaipenge. Purisi dupwa nambana wai pii minyingi akali karaminyi dokome wambu peparae dupwa karaminyi dokona papala nambana pii mana nyepengele.

Luku 11:45

Mawa Pii singi akali dokona mendeme baa dopa lao lamaiya. Mana Lenge, embame dopa lalene doko namwa opetae lao nembapisa pipya leya.

Jone 9:40

Parisi lapo baa kareyamo dokona repeta kareyami dusipame baa lamaiyuo, Namwa opetae lenge koonde karamase? leyami.