Jeremaya 15:7 - Anatunya Buku Baepole Ole Testamene Pii Lapo dee Nuu Tesamene

⁷ Yuu taone peparaena nambame nakama kalendakuna porakana pyao nembele lao nakama nambana wambu dupwa kokwa sinyi nembeyo. Nakamana yulu koo pingi karo doko yaki nyuo kaeya nao minyaro siyaminyi dokona nambame nakamana wane wanake dupwa opetae pyao kumakayo.

Jeremaya 15:7 Iomraidhean Croise

Samu 1:4

Akali koo pingi dupwa dopale ingya nange. Yangi porambaiyeme poo lanyi nembenge dopale ingyuo penge.

Aisaya 41:16

Dopa pipala pyao yake dulunya nembaraminyipa porambaiyeme soo pao kopa apupi dokona raeyara. Dokopa namba nakamana Anatu dokona nakama rae mairami. Nakamame namba Isaraele wambunya Anatu poo pyasi doko lakandarami ingilyamo.

Jeremaya 18:21

Dopa pyuo karakamyuo kande doko kaepala dakepa nambapa koo pilyaminyi dokona Kamongo embame nakamana wane wanakepe dupwa lopanyi nembapala kumanyi nembape. Yanda dupwana angi nyuo suu lape. Enda dupwana ikinyingi akalingipi kumanyi nembakamipi. Wanyane akali dupwa yandana nyuo papala kumaraminyipa andapae dupwa anga yakane kapape kisapala kumunyale.

Jeremaya 9:21

Kumungi renge doko namwana windowa kata dokona kolando epelyamo. Epo namwana kiŋinya anda kambu dokona epelyamo. Epapala yuu taone kata barete andake dupwana wane wanakepe karaminyi dupwa pyao nyilyamo. Dee makete yuu dupwana akali parange karaminyi dupwa epo pyao nyilyamoko.

Isikiolo 36:12

Nambame nakama nambana Isaraele wambu dupwa yuu range dokona palyuo karalapale lao dee lanyuo eparo. Eparono dokopa yuu doko nakama rangena ingyara. Ingyaramo dokopa nakamana wane dupwa dee dopako pyuo papyuo kararaminde daa.

Matyu 3:12

Baa witi jingi lukungi saporo andake doko minyaro karamo. Baa witi peparae yapo nyepala jingi angi dupwa anda retowa, imbu dupwa isare rao sulu singi dokona kisanyi nembara leya.