Jeremaya 15:3 - Anatunya Buku Baepole Ole Testamene Pii Lapo dee Nuu Tesamene

³ Namba Kamongo dokome yulu kisima mona randanyi pyambuo epara dusipa nakama keta pyaka sinya lao suu pyao retelyo. Nakama yanda dokona pao kumaraminyipa nakamana yanenge dupwa suwame ipyalya ipyana pyuo soo parami. Dokopa yaka dupwame napala malarami dupwa suwa menape rae lenge dupwame yuu mendaki nao yuu mapu pinyi nembarami.

Jeremaya 15:3 Iomraidhean Croise

Jeremaya 14:12

Nakama nenge naa napala nambame nyisa lao ee laraminyipape nambame nakamana ee see naro. Nakamame namba mena kiso joope dee nenge witi jingi kiso joope piraminyipape nambame nakama kando rae mai naro. Dokona ingyuo nambame nakama yanda pirami mendena lopo maiyuo yanyi maiyuo pyao kumakaro, leya.

Jeremaya 14:16

Wambu lapo opetae pii letaminyi doko soo karaminyi dupwa dopaleko ingyuo pyao kumakarami. Dokopa nakamana yongo dupwa yuu Jerusaleme kata barete andake dupwana nembaraminyipa wambu mendeme au pyuo nyuo malu pii narami ingyara. Doko etenge ikinyingi wanengepe wambu peparaepe dopako pirami. Nakamana yulu koo dupwana nambame yano nyuo dopa piru, leya.

Jeremaya 7:33

Dokopa kumasi yongo dupwa mena rae lengepe dee yakape dupwana nenge ingyuo nao kararaminyipa mendeme pakanyi pyambuo ralinyi nemba narami.

Isikiolo 33:27

Namba Kamongo Mupwa Andake Wakasa dokome repe repe letamo lao lamaipi. Namba Anatu karalu karenge dokome kinyi kinyi leto. Wambu lapo taone andake lalyiyamo dupwana palaminyi dupwa pyao kumarami. Mee yuu dupwana palaminyi dupwa mena rakaiya dupwame narami. Lapo yuu kyau dorenape dee kana anda dokona yalu pyuo palaminyi dupwa anga yakane nyuo kumarami.

Emosa 5:19

Yuu gii dokopa akali mende mena laene kando paka pelyoŋo lapala mena beya karara dokona pao romeya dopale ingyara. Dopako pyuo akali mende anda range pao nambana anda dake dokoŋo lapala apya dokona kingi minyanyi pirasa kaumi naramo dopale ingyara.

Dutaronome 32:24

Nakama lopo yanenge isasape dokome kumarami. Nakama anga yakaneme koo mange naramo kumarami. Nambame mena suwape rae lenge dupwape dee kau wambu nenge dupwape nakama keta ralinyi peyaronopa dupwame wambu dupwa pyao narami.

Orepalaisane 6:8

Namba kandeyono dokopa ose kangama nasindena akali peteyamo dokona kingi kumasi lengende piso epeya. Dokopa akali mende Satane panda lengendeme peteta epeya. Nakamba yuu muu peparae doko kunjo kisima pipala liti mendaki dokona iso kararambi ingiya. Yuu liti dokona wambu dupwa wua gelame pyao, lopo maiyuo, anga ikyane kiso maiyuo, mena rakaiyeme pyao nena lao pirami renge dopale nakama keta paleya.